May 12, 2007
معصبة حدي .. أحس مستوية نار ..لا نار شوي ..قولوا فولكينو ..ما كنت جي .. الله يرحم الأيام اللي طافن ..والله كنت عايشة احلى عيشة ..من عقب التخرج ..سنة أنا طريحة المنزل ..يعني سنة لا شغلة و لا مشغلة ..سهر لين الفير على قناة الكاس “تقولون واحد من الشباب” انزين و “طق طق” على اللاب توب ..
الصبح عندي ليل ..و الليل عندي صبح .. و منظمة عمري بس مع الأكل ..حتى غديت عود البان ..و حاسديني على الرشاقة اللي وصلت لها .. و النفسية صح كانت تضرب احيانا يوم أغصص على ناس ..لانهم يشتغلون و أنا بطالية ..بس والله كم يسوى ..العالم يكرف و أنت منسدح تحت المكيف ..
مات الطموح يا جماعة.. هو في طموح بس مادري كل ما ودك تسوي شيء يرفع من معنوياتك ..اللي وياك ما يشجعونك ..يشجعونك بس تعب ..أقصد صعبة الحياة ..ما توقعت الحياة العملية جذي ..روتين قاتل رغم المتغيرات أقصد شغلتي اللي تعتمد على التغيير ..أكثر من هي روتينية ..يعني أيام في المكتب أيام برع المكتب ..و هلم جرى ليش أدش في سوالف ثانية أنا .. أنا كنت برمس عن العصبية صح .. هو مادري العيب فية أنا و لا في الناس اللي حولي؟! يستانسون يوم يعصب .. الضغط ذابحني .. مرة فوق و مرة تحت .. أحاول اطنش ..لكن ما أقهر!! أحس العالم مستوي غبي وياي .. أحيانا اصغر من عقلي .. و أحيانا أكبره ..لكن مصخت السالفة .. هالاسبوع مستوية ضرابة عودة ..عاد ما بقول ويا منو ..بس وصلت الضرابة الى كلام جارح و قاسي و ملعون ابو خيره ..
يا جماعة ..الواحد احيانا ينفجر ..متغيرات الحياة اللي امر فيها الحين يديدة علي ..يعني شرى اللي محبوسة في كهف سنة و مرة وحدة يفرفرون عليها شغل و ظغط كل صبح على نشة الدوام الساعة 6 ..شو تبونها تسوي يعني؟ ما غير الحزن اللي في القلب على فراق الغالية .. يعني حسوا شوي؟ .. الواحد كم يعدي ..مرة و مرتين و ثلاث .. و لكن ..حلوة هاي مرة و مرتين و ثلاث ..اذكرت شيء يضحك بس عيب ينقال .. المهم والله من القهر أخربط .. أحيانا أغلط ..لكن يوم أتمالك نفسي و أفكر عدل ..غلطانة كنت أو م غلطانة ..تراني أجي و أتأسف ..!
و يا حلاة القلب اللي يسامح بسرعة .. أحيانا صح الواحد ما يقدر يسامح .. و لكن الناس يفرقون .. شيء ناس من محبتهم ودك تسامح حتى لو لاعنين خيرك .. ما أقول غير ..يا الله ارحم عبدك الحقير المسكين ..! لو الرحمة بيد البشر ..كان كل واحد “داس على ريس” الثاني .. “رمسة شباب” الله يذكرها بالخير سلامة بنت رشود هي علمتني على هاي العبارة ..
المهم لأول مرة في تاريخي الجديد أسهر لين هالوقت و عندي دوام باجر..ترى أقولكم العصبية و الضغظ واصلين حدهم ..!
May 12, 2007 at 10:36 pm
بس إن شاءالله ريحت يوم كتبت في المدونة :)
حبيبتي مادام الحمدالله الله رزقج بالشغل بعد قعدة سنة في البيت تذكري هالنعمة وبتنسين كل ضغط الشغل ..غيرج اللي هم أن قاعد 4و5 سنوات ولا يبدو أن هناك شيئاً في الأفق الحمدالله على كل حال..
بس بقولج اتخذي سياسة طنش تعش لأنه بعض الناس يرتاحون نفسياً يوم يشوفون واحد معصب ومخلص طاقته عليهم ..حبيبتي وفري طاقة العصبية لمهام أكبر ..
ويوم تحسين بالغضب اطلعي من المكان اللي إنت فيه وسيري توضي ..
يتحسين براحة
بالتوفيق عزيزتي وإن شاءالله نسمع الأخبار الطيبة
بس شو نك نيمج ما أحب أقولج دبي
:)
May 13, 2007 at 12:32 pm
و أنا لا أود مجاراتك في الحديث بقول فتاة الحزن..
فمسماك لا يبعث للأمل و لا للفرح مكان ..مع أن في زماننا ليس هناك ما يدعو الى التفاؤل ..!
آنستي أو أختي ..باستطاعتك مناداتي بأي اسم يحلو لك ..و لكنني أعتز باسم دبي كثيرا ..و اذا اصررت فناديني بـ Marooya
أختي من بعد هذه الخربشة للتو تنفست :) !
May 14, 2007 at 5:35 am
شوي شوي يا أم لسان عن ينطر فيج عرج و نبتلش فيج لووووول