البارحة  نوينا نسير “العين” عقب الدوام .. طبعا رديت البيت كان أتغدى عيش و سلطة Chicken Cesar .. و لأني يالسة أتابع برنامج الجماهير مب مفتكرة كم صحن كنت ماكلة .. خص في الدوام ما ابلع شيء ..ف اليوع كافر ..و من داومت الله يلعن الدوام قمت أدح “عيش” مع انه قبل كنت حاطة اكس كبيرة عليه!!

 الحمدلله مليت البطن ..كان أتزهب و سرنا ..في الدرب وقفنا عند المحطة ..بعد اشترينا ايس كريم و Chips و كل الاكلات اللي تؤدي الى النفخ ..طبعا “لازم أفازعهم في الاكل” كان أكلي ايس كريم سنكريز و Cheetos Chips و تفاحة و شو يا ربي بعد هي Another chips but i forgot the name ..

 بطني قام يعورني ..ولاعت جبدي ..لأن من الاساس ما اداني طريق العين ..كان اقول حق بنت خالي ..يا أنا يا هالبطن ..يا أنا اموت يا هالبطن يموت ..داشين تحدي!!

وصلنا العين حمد لله ..طبعا لازم يعشونا احتفالا بقدومنا .. تعشيت بعد عيش و دجاج ..”قلت في خاطري هي خايسة خايسة” ..!!

صدقوني “جاسني” أرق فظيع و أنا رادة دبي ..حسيت أني قسيت وايد على بطني و رشاقتي .. حتى بغيت أرقد ما ياني رقاد رغم التعب .. !!

 يوم نشيت الساعة 11:00 صباحا ..قلت لازم أسلم على الميزان ..و يوم أوقف على الميزان ..انصدمت زايده 3 كيلوات ..كانت الدمعة بتنزل قلت لا لا خلوني احاول مرة ثانية يمكن غلط ..رديت وقفت ..و أثره الميزان صادق ..!!

طبعا الثلاث كيلوات مب بس من أكل البارحة ..لا الاسبوع اللي طاف كنت أدح بطريقة لا ارادية ..و ألحين موسم “الهمبة أي المانجو” ف ما اقصر كل يوم عصر ..!!

 و لكن قطعت عهد .. من يوم السبت برد لنظامي في الاكل .. : ( ..!!

قبل لا أنهي كلامي وصلني هالايميل اليوم عن الاكلات الايرانية ..كان أيود My head .. يا الله ..!!

 هناك نظرية تقول بأن حتى تشبع تمتع في نظر الصحون أو شم رائحتها ..!!

||

\\

||

 

 

 

 

 

 

 

 

 

 

Advertisements