صدق والله متى بتطورون ..؟! أقصد متى بيطورون الجماعة .. ما أبى اعمم .. لكن خلاص نحن في الألفية الثانية يعني مال أول واحد يمر عند بنت و يرقم ..!!

اليوم سويت Shopping .. واحد الله يستر عليه .. ينعطى 25 .. من دشينا المول و هو ورانا .. قلت يمكن الأخ مضيع .. دخلت Burrberys أشوف الشنط .. و أنا اشوف الشنطة على يدي من المنظرة ..اشوفه مصطن عند الباب ..قلت لا حول صدق ياهل .. 

المهم خذت الشنطة و طلعت .. كان انسى الدنيا و اطالع في المحلات و زحمة الناس ..تدرون ويكيند ..الا اسمع ونان الملاعب “اثنينات ثمانيات ثلاثات” شيء جي ..مب مرة و لا مرتين يمكن أربع ..و كأن هالشاب يدريبي “بغام” يعني ما احفظ ارقام بسرعة ..ف يسهل أموري P:

عاد يوم لفيت ويهي اشوف نفس الشخص ..لا اراديا قلت “شو هالياهل” متى بتطور ؟! …”هاي العبارة تنقال بين شباب و بنات العايلة” ..أشوف اختي تضحك علي..

أنا الصراحة ويهي احترق ..ما يحترم الزحمة و لا احترم شخصه ..انزين يا ريال احترم بنات الناس .. 

و لا على بال يرقم ..جدام الخلق.. كان في خاطري افصخ نعالي ..بس قلت و لو يا بنت “الحقران يقطع المصران” ..!

||

 

||

 

||

 

موقف أخر بط جبدي .. ناس ما فيهم اتيكيت الصراحة .. ما بقول من أي جنسية عربية .. واقفين في الـQ انحاسب .. ياه واحد قد البغل وقف جدامي ..

انزين يا ذكي .. تشوف خط واقف ..من البداهة اتي آخر شيء ..مسكين يتحراني من اللي يسكتون و لا عادي عندهم ..بطرف “العلاق” مال الـTop اللي شريته خبقت ظهره P:

قلت له لو سمحت اوقف بالصف .. شو الدنيا سايبة؟ ..”مستوية هاليومين عنصرية لأبعد الحدود” ..قال أسف ما شفت ..أسميه خريط ..

يعني صح كتكوتة أنا بس مب لهالدرجة .. ما شافني بيشوف الامة اللي وراي ..

كان يرد وراء ..

 يعني لين متى هالتخلف في العرب؟ ..

خل الحركة اتكون معكوسة والله لا يطالعون بنظرة احتقار ..بس والله ..”كيفي اماراتية” ..!

||

 

||

 

||

 

أنقهر من شيء واحد في المول و السناتر ..ان يحطون كراسي في نص الممرات .. اللي مجابلة المحلات .. ناقصين تيمعات المهندة؟! ..

على عيني و على راسي ..ديكور ..على عيني و على راسي اذا الريال مثلا بيتريا الحرمة ف يلس على الكرسي أو وحدة شوي تعبت من المشي ف خذتلها يلسة حق 10 دقايق ..

لكن اللي مستوي الحين استعمار الصراحة من قبل الاحتلال الهندي ..اعتقد عشر ساعات قاعدين على الكراسي و طايحين شوف في الناس ..اللي يسير و اللي راد ..

 حشى بس انزين ردوا بيوتكم ..

حالفين بالله ان ما ينشون الا و هم شبعانين شوف ..القهر هندية وقفت اتجابلني و تطالع كل حركة اسويها ..

و كأني Model ..

و أنا في المحل اقايس النعل ..بس ناقص تقولي لا تاخذين هالنعال..!!

 لا وصلوا بعد حتى شارع الشيخ زايد ..مب أول الشارع شيء دوار .. يلسون على الدوار ..شارع مثل هالشارع الراقي ..ليش تيلسون على دواره ..و الله مخربين الشكل العام ..

مادري بايعين عمارهم ..يعني سياير ادور ..شو الهدف من مشاهدة هالمنظر؟!

صدق العقل “زينة” ..!

 

||

 

||

 

 

||

 

لنا لقاء ..!

 

 

 

Advertisements