Reduced Fat
و من منا لا يعرف ماركس سبنسر ..أشهر محل في بريطانا 
و هذه لمحة عن المحل
Click Here
ما يهم أن هما شخصان من يمتلكان هذا المحل المشهور ..ماركس و سبينسر
كانت البداية بمتاجرة الملابس الى أن وصلوا الى الاطعمة ..و حقا محل كامل لجميع الاسرة
تعجبني كل بضائعه ..لا أقوم بدعاية لهم و لكن ما يهمني منهم الان الحديث عن أطعمتهم الخاصة للرشيقين و الرشيقات
لا يفوتكم عاد ..اللي في خاطره كاكو ..و شيبس و بسكوت ..و حتى أنواع المعلبات و المثلجات ..يتشرى من عندهم
أنا الصراحة أمسات سرت و طحت على الاكل .. طبعا اللي عندنا مب شرات اللي في لندن ..!
لكن بعد موجود كل شيء ..” الحرب قربت “  P: !
مذكرتي العزيزة
هذه المذكرة ..ليست من ضمن “المذكرات الخربوطيه أو للشخابيط” لكن يتني فكرة من كم شهر..
اني أيمع كل الادعية اللي اقراها و حتى الصلوات لمناسبات معينة ..في هاي المذكرة
صح الغلاف “يفشل” ..بس هاك اليوم كنت أدور في لايف ستايل شيء حلو ..و أغلبهم مال يهالو ..ف رسيت على هاي المذكرة
على فكرة لاب توبي كله صور dolls ..
مادري أحب ايمع ..و كانوا يطرشولي صورهن ..الله يذكرهم بالخير
المهم ..أكتب فيها كل الادعية ..عسب بدال ما اشل ألف كتاب حق أدعيه و حتى الآيات ..
أكون مظبطة أموري ..
حزة الصلاة ..وين ما كنت في البيت أو برع البيت ..تكون في شنطتي أو على السيادة ..أقرأ منها
في الدوام زختني وحدة من القسم أونة شو هاي المذكرة “طبعا الفضول قاتلنهم”
أقولها مال أدعية ..
هي مسيحية ..تقولي نحن عندنا جي
راوتني مذكرة صغيرة طابعتنها فيها أدعية مالتهم
كان تفرح المسكينة أونة أنتي بنت زينة ..!
 
هذا الله يعزكم واحد من “الحمير” اللي مخربين منظر بلادنا
قلت لكم قبل يرقدون و يلسون على أول دوار الشارع الشيخ زايد ..
أمسات زاختنه مرقد في الريف مول .. طوالي صورته زين ان أختي الكاميرا مالتها في شنطتها دوم
يعني بالله عليك ..ما في مكان ثاني تخمد فيه؟
اللي يقول فندق ..مب مول
والله كان خاطري افر عليه شيء..و لا اهزبه ..بس مودي كان طاقع هاك اليوم!
 
تيلفوني الغالي
هذا تيلفوني سابقا..هدية كان..ما ودي أفره ..
لكن هداني غيره أبوي ..سوني اريكسون ..الحبيب مطلع موتر يديد ..و نحن نقوله بمناسبة السيارة اليديدة
شو بتعطينا؟
عاد سمعتوا واحد يهدي لأنه شاري سيارة ..طبعا حكم القوي على الضعيف ..هجوم عليه أنا و أختي
خذلي سوني اريكسون ..مع اني كلش ما اداني الاريكسون ..لكن لان التيلفون ها شكله و مواصفاته و كل شيء فيه “طر”يعني فلتة
المهم قصدي التيلفون الاول ..“حصوه” راعية الفوتوشوب ..حطتلي blings عليه
قبل كنت مسوية في لندن لكن غيرت الديزاين و سوتلي مرة ثانية حصوه
الكل منبهر فيه ..
واااااو نايس موبايل …وااااااو فانكي
البارحة واحد بريطاني نتعامل معاه ..يقول حبيت هالتيلفون
قلت له هذا حمار شغل من يفضي الاريكسون سيدة نقلب على الثاني
بس حبيب و غالي وايد..
الله يخليكم الحين لايعة جبدي من فصوصه ..لا تزعلين “حصوه” ..بس الواحد يمل يعني!
آخر صيحات العبي
بشهادة الجميع  ..أن لدي حس فني في العبي ..
و اللي اسويه يكون شكله مقبول ..على فكرة مب عباتي اللي في الصورة “عنقاش” ..
الصراحة صدق مصخوها البنات ..
أمسات أشوف بنت عباتها “قصة بحرينية” و حاطة صورتها و هي ياهل ..
شكلها قوم طعش ..يعني قوم 17 18 19
الصورة محطوطة وراء الظهر و على اليد ..
أخ عاد ..شو يعني ما في موديل ثاني؟
و الثانية تحط طاووس ..و الثالثة بقرة أخر العباء و لا أسد وين شعار المحل ..
و لا عباء مكتوب عليها اديداس و ديزاين جي سبورت و ناقص بس تحط اسمها و تختار رقم و ادش الملعب ..
والله الذوق ببلاش ترى .. تبون تتميزون و لا تخترعون شيء في أناقتكم ..شوي شوي علينا
حسوا فينا ..
لهالدرجة الذوق عند كل وحدة و حدة يختلف ..؟

Advertisements