أحلى مجلس أمة ..!
عسب جي الناس تتغنى بمجلس الأمة الكويتي .. مع أن الاغلبية العظمى مب في الكويت ..الدول الخليجية الثانية
تقول مجلس الأمة “عالفاضي” ..بس صراخ و كل سنة في حرامي يكشفون عنه ..!!
أو مب حرامي “عيب” .. أحسن تشبيه “خوان” أرقى هاي الكلمة شوي ..!!
مالنا خص عاد .. سياسة دولتهم و هم أدرى فيها ..
بس شوفوا هاي الصورة .. و ليش انتشرت ؟!
والله ما ينلامون الريايل اللي ميلسين ملوا من الصراخ و الاستجواب ..و “طقطقة” مطرقة الخرافي ..
كان فاصل حلو ..
و رقيق ..
و أنيق ..
زين ليش هالتايب التحرري منتشر عندهم ..!!
مب وحدة و لا هنتين و لا ثلاث ..
ما نختلف بتطلعنا وحدة مثل الباقيات من هالتايب و يقولون ..
أن الايمان بالقلب ..و ان نحن أحسن عن غيرنا من المحتشمات أو المحجبات ..
زين هذا الشيء يكمل الآخر ..
و ما نختلف أن عندنا بعد هاي النوعية ..
لكن مب شرات اللي عندهم ..
البنت من توصل سن معين عندنا هي برغبتها تلبس الوقاية و العباء ..
و تحس غلط لا طلعت بدون العباء ..
مب لأن المجتمع و العادات فرضوا عليها ..
لكن تظل مسائل العقيدة و الدين حاضرة عندهن ..
أرد و أقول ما أبى أطلع مثلا الاماراتيات القطريات السعوديات أكثر حشمة ..
و لكن القصد أغلبيتهن محافظات على عمارهن ..
ان كان من طريقة اللبس أو وضع المكياج ..!
::

الشهقة الأخيرة

يوم الجمعة سرنا البحر الساعة 10 المساء .. “هفة” كانت ضاربة في البنكرياس ..

شدينا العزم و قلنا بنتعشى على البحر ..عاد ضربنا خط لبحر الممزر .. الله على الممزر ..الله على بحره ..الله يوم الدنيا ظلمة و الانارة كلها على البحر ..“شيء على مستوى” ..!!

 تفصخ نعالك .. و تتمشى على الرملة .. و تضرب فيك الموية ..و الهواء عليل .. 

حتى ما تحس بالرطوبة و الحرارة .. غير بعد يوم اشوف مخلوقات حية ادش البحر ..و تغوص ..

و هي مب ناوية من الاصل “تسبح” لكن يوم يضرب في البنكرياس يضرب ..!!

Advertisements