صح في البداية كنت متنرفزة من المعرض
 و من الزحمة و المراكض
 من مكان لين مكان
 و من الايام اللي كنت أنكرف في الدوام عشانه
 كان مثل كابوس بالنسبة لي 
و أباه ينتهي 
لكن اليوم من طلعت من المعرض بالشرده 
عسب ما أحب أودع حد
 تضايقت وايد
هذا أول معرض أحضره أو فعالية أنظمها
 و جد ترك أثر في نفسي  
الكل يمكن ياخذ على الاساس الافادة من جانب الوظيفي
 بس أنا لا
 تعلمت من اللي حوالي
 عن أشياء وايد 
حلو الواحد يكسب احترام الناس له 
حلو الواحد يقولك كلام يقدر مجهودك من دون مجامله
 حلو الواحد يكون سنه صغير بالنسبة للموجودين حواليه 
بس ما يكون عائق للتواصل 
  يكون شيء طبيعي انهم يدارونك
: ) 
حلو تسمع ناس تهمس باسمك و تثني عليك 
 الاهم من كل هذا  
روح التعاون اللي بينك و بينهم 
يعني مب عيب ان شلة بينهم بنت وحدة 
أنا مب ضد ان كل شيء لازم يكون رسمي 
شرى ما انفهم في البوست الماضي 
لكن أكيد كل شيء له حدوده 
و ولد الناس ينبان عليه 
شرى ما قلت بالنسبة لي
 كنت البنت الوحيدة في الفريق 
  رغم أني كنت مستعده أشل ” كراتين
LOOL 
أكيد خفيفة
: P
 بس ما كانوا يخلوني 
لدرجة  أنا كنت أطلع قبلهم
 و هم يتمون يكملون مهمتي 
 المفروض يطلعون قبلي
 لكن يرخصوني لاتمام مهمات أخرى في المكتب 
: )
 اليوم الاول كان جدا متعب
 من الساعة ثمان الصبح
 حتى السابعة مساء
!! 
كنت شوي متوترة 
 أسوي شو و لا شو ما أسوي
 لكن اللي سهل علية كل شيء
 وجود شخص جدا أكن له الاحترام ” خ ”  تصادفنا في عدة معارض
 نعمل في مؤسسة واحدة .. الا تخصصاتنا مختلفه 
لولا وجوده في المعرض لما استمر العمل على ما هو عليه 
كل ما نمر بضائقة كان يحل لنا المشكلة
: )
 حتى انه اقترح مني في اليوم الثاني
  أن أنظم اجتماع طارئ لمجموعة 
رغم أني فشلت شوي في تمثيل دور القيادي الصارم 
و طلب مني أكون أكثر متشددة 
الا أني تعلمت في الاخير منه 
كيف أوجه الكلمة من دون الاهتمام للفروقات السنية
 من دون حتى أني أخاف ان الطرف الثاني يزعل 
بالعكس زاد الاحترام بيننا 
و كسبت الموقف لصالحي 
رغم وقاحة الطرف الثاني
 نصائحه كانت مستمرة ان كانت على شكل فكاهي
: D
 بس وصلت للعقل
 اليوم الثاني كان أخف قليلا
من الناحية العمل ليش هالاحساس؟ 
لأني مب لابسه كعب
LOOL 
و لأني راده اليوم الاول هلكانه
 و رقدت الساعة 9 في الليل
 ف نشيت بدري و أنا نشيطه
 .. كل صبح أتلاقى
 و يا الشرطة 
لأن عندنا شعار
  Vip
 يخلونا نشعر ان نحن “ملوك” في الشوارع
LOOL
 أنزل من سيارتي
  يرحب بي شرطي كبير في السن 
أستانس وايد 
ما تعرفون كيف لابتسامة هايل الكبار في السن
 أثر لها على نفسي
 أشعر بأن الحياة حلوة خالية من “الشوائب”
بسيطة
.. غير يوم يصاحبها
كلمة شخبارج أمي عساج الا بخير أمي 
: )
 حقيقة بفتقدهم
I Swear
 : (
! 
و من أدش القاعة تسبقها نقطة التفتيش
كنا نفصخ حتى نعولنا الله يعزكم 
و يستمر موال الضحك كل صبح
LOOL
: P
مع العلم أني نادرا ما أبتسم الصبح 
حتى دوم ألحين اتذكر كلام اخونا المدون “ابراهيم” يوم يقولي في بوست السيارة
 خلج دوم معصبة 
يوم تسوقين 
عسب يتحرونج بنت هوامير  
LOOL
  Anyways,
 المعرض مراقب تمام التمام 
كل خطوة تلقون كلب و شرطي
 اليوم الثاني كنت لابسة
  Slippers
 ف يوم شليته بحطه في المكينة
 أقول في خاطري عاد أحمر لونه 
وين أبى؟
  يشوفني الشرطي و هو محمر يبى يضحك
بس ميود عمره 
تقول زميلتي أحمر ؟
 ما لقيتي لون ثاني؟ 
داشين مباراة الاهلي نحن
 ! 
كانت سخيفه بس فرصة تضحك الجمهرة اللي تشوف نعالي
 LOOL
  من نعدي التفتيش
 ناخذ شهقة توصل للسماء 
 مب من الزياغ 
من الفشلة
كل شوي يستوي
 تيت تيت تيت
: S 
مرة نفصخ الحزام 
مرة الحلق 
مرة الخاتم 
.. و خلق الله ما يصدقون في الضحك  
 عقب ندش القاعة و يبدأ الشغل
 أصبح على واحد واحد 
في الاستقبال  ” خ “ مسكين 6 و ربع في المعرض
 يوم أقولكم مكافح  
و شغول و حركي  
 شوي و يقبل علية فالديري بكوب الكوفي
  مدلعيني 
 الكل يسير الكافيه
 أنا ايبولي مكاني
 LOOL 
  عقبه يتواجدون المشاركين من مؤسستنا
 واحد تلو الاخر يصبح و يقول سوالفه 
 و يتجه الى مكانه
  لاستقبال الضيوف و كبار الشخصيات 
أول يوم كنت صدق متروعه الشيوخ كلهم دشوا عندنا 
كل حد  من الكبير  لصغير
 و أنا حاسة عمري في
 Film Action
  بو راشد بنظرته الحادة
 فزاع بابتسامته
  مكتوم بطلته 
 أحمد بن سعيد بتواضعه
 عبد الله بن زايد بوقفته المعروفه
 نهيان بن مبارك بتساؤله عن كل صغيرة و كبيرة 
حكام الشارقة و عجمان و رأس الخيمة 
: )
 على فكرة الشيخ أحمد
 اليوم كان واقف عندي عند الاشارات
 LOOL
 HE IS GENTLE
 بمعنى الكلمة
     
!! خلاص مستوية
VVVVVVVIP
 من عقب المعرض
 المهم
     
مر اليوم الثاني و الثالث و الرابع
 و المواقف اللي صارت فيها بعضها تنقال و بعضها صعب تنقال
 LOOL
 شفنا العجب
 شفنا بلاوي 
 من تعب لين تعب 
من مقابلات مع الاعلام
 و الترتيب معاهم 
من حركات “تبط الجبد” و ترفع الضغط بس لأن هذا شغل ما كنت اتضارب
 و اعق رمسه 
ميوده عمري
 بكل برود 
و آخيرا حطولي بودي جارد وراي والله ما أقص عليكم 
 من يشوفون واحد بس يبدأ حركات منيلة 
يفز
  LOOL
 العادة نوقف واحد  
بس هالمرة طلبنا اثنين 
واحد يراقب المكان و الثاني يراقب اللي يقرب مني
 قلت لكم البنت الوحيدة 
LOOL
 شيء بنات بس مب مواطنات 
و يتمون ساعات قليلة 
و شيء متخلفين عندنا حتى لو مراكزهم قوية في الدولة
  بس والله ما قصر البودي جارد
لأن المكان يقل فيه عدد الجنس الناعم
 : ) 
LOOL
 حتى قام ينبهني على أشياء مب منتبهة 
مثلا مثلا 
شيء بيطيح من يدي
LOOL
 باريس هيلتون مب دبي
 !
   اليوم الأخير شرى ما قلتلكم
 كان اليوم 
قلت ما بودعهم بشل بعمري و بقولهم رادة
  سايرة للمصلى
 لكن طوالي للباركنات  
قلت لهم صوروا كل شيء نباها للذكرى
  لأني كلي ثقة ما بشارك مرة ثانية 
LOOL
 شقاء
 عناء 
و طولة بال 
بس والله بفتقدهم
 بفتقد لمتهم 
 و حشرتهم
و ضحكاتهم
 عند كل مصيبة نسويها 
و يخطف لحظتها وزير
 و لا شيخ 
و لا ضيف
 LOOL 
من الكويت كانوا 
من قطر كانوا 
و من السعودية 
: )
 طبعا كانت لفة لنا في
  CHALET
 نشوف العروض الجوية 
بخبركم عن مقلب من المقالب اللي سووه فية
  قالوا بنسير نشوف الطياير
 في وقت البريك 
قلت مالي خاطر 
قالوا الا هي مرة يالله 
يوم سرنا
  تلاقى التيم بشلة أمريكان مال الجيش
  رحبوا فينا و عزمونا على طيارة
 Fighters
 حربية
 كانت وياي وحدة بعباتها
 و أنا 
و الباقي طيارين و موظف بكندورته
 و يلسة
 الـ 
Fighters
 تحتاي ناس لابسة بناطلين
 تردد “خ” راعي الكندوره قال لو ببدلتي كنت ركبتها 
اللي بعباتها قالت لابسة تنورة ما أروم طبعا
 الطيارين  ساكتين يوم ياه دوري .. كان أقولهم بيلس بس صوروني
 ما شفت ” خ ” يغمز حق الطيار الامريكي عسب يحركها 
يعني خلاص بيطير و بيبدأ عرضه  لف و دوران
و يطلع ألوان و كل أنواع الفناتك 
من تحركت الطيارة و انا ما خليت كلمة ما زاعجت بها
  LOOOOOOOOOOOOOOOL
 I BEG YOU
 OH MAN DON’T TAKE OFF
  ” K “
 براويك يا الأقرع
عادي كنت أدمع من الخوف
 كان يوقفها و أنزل  
و طبعا ماشاء الله الطيارين اللي عدنا “المواطنين” ركبوها 
: )
الله يحفظهم يا رب
  جد سمعت قصصهم
و كيف تعلموا الدروب في السماء
 و كيف حياتهم ما بين السماء و الارض 
جد مهنتهم مهنة يبالها تضحية
  : )    

صور وصلت .. و صور ما وصلت بعد
لكن بقت الذكرى اللي تجمعنا
شكرا لهم
ما يسمعوني أكيد
بس ودي أتكلم عنهم لو بكم سطر
!
: )

Advertisements