ديسمبر 2007


 

 الكل مستوي ظالم  .. أو شايف الدنيا وردية في عيونه

و لو دقق شوي و لا قرب من فئة من الناس بيلاقي ان هناك من يعاني

هناك من يرمس و يرمس بس صدى صوته ما يوصل الا أخر حد لسقف بيته

و لا ينقطع الخط في ويهة و ينقال له الخير وايد

و محد مقصر و كفاية الزيادات الاخيرة

 و لا أنت مب ميت من اليوع

و لا مد ريولك على قد لحافك !

 انزين كم الواحد يمد ريله على قد لحافه؟ و يشوف غيره متهني

و يماشي كل تطور و كل رفاهية موجودة على وجه الارض

و هو بس مخول أنه ياكل هواء و يرضى باللي فيه

يعني أنت تطمح للي أبعد من كلمة حد

لكن غيرك يمد على قد لحافه؟ ! 

بعدين شو هاي الحكمة الساذجة اللي تطلب ايا كان بالقناعة

و في الكف الثانية يطالبون العالم في مواكبة التطور

صحيح ما يرفع راسه وايد و يختار طريق مب أهل له

بس على الاقل يحسن المستوى اللي كان عليه ! 

مب كل المواطنين ولدوا و في حلوجهم خاشوقة من ذهب

شرى ما يقولون .. ملعقة من ذهب

و مب كل المواطنين بيوتهم دورين و عيالهم ضارين على ريحة فرنسا و جزر المالديف

و متعودين انهم يغيرون ملابسهم ألف مرة في اليوم

و مخابيهم عامرة بالاوراق

و حاطين ريل على ريل و مجابلين شاشة الاسهم و التداول

أو عندهم برج و لا بناية و لا حتى قطعة أرض

   عسب نشوف الاسعار مرتفعة في كل شيء

من مواد أولية لين أدنى مادة تهم مجموعة تنعد على الاصابع  

صحيح كل شيء يتغير لكن بشكل معقول..

 اللي يالس يستوي شيء مبالغ فيه .. شيء ما يتنفذ بهاي السرعة دون مراعاة من المتضرر من هالشيء

و لا عددهم  ترى اللي يتضرر في الاول و الاخير هو  المواطن !  امارة ترفع من رواتب موظفينها و وصلت للعشرين و الثلاثين

و الخمسين حتى

 و امارة تزيد بالحسرة ألف و ألفين و ثلاث بس

و امارة تجاريهم و ترفع بكم صفر عسب تسكت مواطنيها 

و في الاخير هاي الزيادات شو الفايدة منها يوم أن الاسعار ارتفعت و السوق واصل حده

  كأنكم ما سويتوا شيء  ! 

بعدين واحد عنده شهادة ثانوية ألحين صار يستلم شيء و عشرين؟ 

خوش والله دفعة معنوية حق عيالنا أنهم ما يكملون التعليم العالي

 و يكتفون بتعليم المدارس و اللي صار ما عنده شهادة الا الاعدادية .. صار في الجيش يستلم معاش مدير 

و اللي عنده بكالوريوس أقل عنه؟ 

و اللي عنده ماجستير أقل عنه؟

 أي منطق هذا؟ 

في أي بقعة شفنا مثل هاي القرارات؟

 مب الا يفشل هالقرار .. الا يقهر !

 شهاداتنا الجامعية بنفرها عيل . . يا حسافة بس على السنين اللي ضيعناها

 : )

 بعدين منطق ثاني ما ينقال الا عندنا 

اللي يشتغل على سبيل المثال في تخصص قوي 

مب في الاعلام و لا الموارد البشرية و لا التجارة 

تخصص جي علمي بحت يستلم معاش شرات اللي يستلمه موظف عادي في البلدية؟

 يمكن بس يرتب الملفات و يأرشفها؟

 : S 

  خو الكل يدري ان كل شيء له مستوى معين

و امتيازات مختلفة بين شخص لشخص آخر

من مؤسسة لمؤسسة ثانية

بس عاد اللي مستوي لا له علاقة في التخطيط و لا في العقلانية شيء

خبط لزق  

 ناس تفرح .. ما علينا الله يسعدهم

و ناس مقهورة من السنين اللي قضوها في الجامعات

و صارت هباء منثورا 

خلاص الكل قرر ما يكمل دراسته و ما ينظم لمؤسسات معينة

كلهم بيدشون هيئة معينة لأن رواتبها خيالية

و ما تهتم بالدرجة العلمية 

واعلية عليهم بعد قاموا فئة يتحرطمون و يقولون الحياة غالية؟

مثلا فلان كان يستلم 6 ..و ألحين 20 .. زعلان ليش الحبيب؟ 

ترى الكل ماكل تبن و ساكت ! 

سواء ولد غني و لا ولد فقير ! 

 و صندوق الزواج رفعوا السقف مالهم لين 15 ألف

يعني اللي راتبه أكثر من 15 ما يساعدونه

لعنة تلعن العدو .. 15 صار بالنسبة لكم هم المحتايين بس؟

يعني اللي عنده الاعدادية في الجيش و وصل معاشه 20 ما بيحتاي؟

  عيل من هو اللي يستلم 15 ألحين؟

 اللي في الامارات الثانية و عندهم شهادات جامعية؟ 

خو قلنا الدنيا تغيرت و ما في شيء يتم على حاله لكن وين الانصاف ؟ 

 يا ليت بس يسون لنا حملة العطاء لداخل الدولة

ترى المباني لو علت و وصلت الشمس

من دون راحة الانسان ما تسوى و لا شيء ! 

و المواطنين يستاهلون كل خير ترى

 وايدين ميوعين و وايدين ايدهم على قلبهم و يخافون سقف البيت لا يطيح عليهم

و لا عمرهم اشتروا بدلة تساوي 1000

خلونا قبل لا نفكر في تطوير الدولة من ناحية العمران

نطور حالة المواطن للأحسن

عسب لا شاف مثل حملات العطاء ما يتغصص

الا يبادر باللي يقدر عليه ! 

 خو يا ليت اللي منعم الله عليهم شراتنا شوي يمتلكون من الرحمة

و يحسون بعيال بلادهم

لا صدر قرار و يمكن يكون شوي ضبابي

 خل اللي حواليهم يفتحونه شوي

ينورونه .. مب كل شيء وردي وردي

لازم شيء أسود في أي بقعة 

حطوني يوم بس في المجلس

بدون كرسي ..بتم واقفة طول الوقت

بقول كم نقطة أشوفها مقطعة قلبي

خو لا يغركم اللي يقول اللي مرتاح ماديا من الشعب ما يحس

ركزوا على الشعب ها

يحس .. منهم من يحس و منهم طاف

بس أحس .. نحس .. يحسون

بأي صيغة ..

 شركة من هاي الشركات اللي عندنا.. اللي ربحها في اليوم مليار

لو بس تعطي 1000 عايلة مليار شو بيستوي؟ 

خارج الحدود 

 فلسطين اللي هي فلسطين من استوت و الناس تعطيهم شو سوو بالبيزات؟ 

و لا شو بيسون ؟

 يشترون حصى و لا نشابة؟

بعد خارج الحدود

أهدي الصورة للي ماسك اقتصاد الدولة

و أقول صباح الخير يا وزيرة

!

 

بالأخضر استقبلنا حجاج بيتنا

مسوين زوبعة في المطار . . زين ما خلونا نوقف عند باب الطيارة

LOOL

واقفين عند أول نقطة نستقبل فيهم

حاسبين الوقت و يالسين نتخيل الموقف . . و لا مشهد درامي خليجي

 من بعد كيلو شفت صلعة أخوي

 : D

 و أزاعج أقولهم من راسه عرفته

أدور على أمي مب محصلتنها . .وحليلها ضعفت

LOOL

 لا اراديا الدموع غرت و أنا أضحك

مينونة كنت . .أقولهم ما أروم أيود عمري

لازم هالدموع

:  )

تمينا واعين و يالسين في غرفتها لين 2:30 الفجر

صدق نورت البيت و الدار

!

 ما أبالغ ان قلت دبي صار لها طعم

ابتعدت عن وايد أشياء . . و ما هنيت كل الربع

و لا حصلت فرصة أسلم عليهم

صدقوني ما كان لي نفس لشيء

و نعد الأيام اللي ترد فيها

و يرد فيها أخوي

. .

اليوم آخر يوم أسهر فيه

يوم الثلاثاء برد للدوام من بعد اسبوع العسل اللي كنت فيه

متى بيطبقون القرار اللي يقول البنات بس يشتغلون من البيت ؟

راضية الدوام يكون شفتات

: D

 قضيت الاجازة في مشاهدة المسرحيات

ماشاء الله تسابق بين سما دبي و قناة الكويت

ضحكت من قلبي و أنا أشوف لولاكي 2

الله يا القيمر .. الله يا القيمر

LOOL

..

 أحسد نفسي على نعمة عطاني الله

ان نظرتي في ناس ما تخيب

و لكن من البداية أعرف الصادق من اللي ينافق

و اللي ينافق من اللي يود

عجبتني أبيات صاغها

الامام علي بن أبي طالب

و هي 

فلا تصحب أخا الجهل إياك وأياهُ
فكم من جاهل أردى حليما حين آخاهُ
يقاس المرء بالمرء إذا ما هو ماشاهُ
وللشيء على الشيء مقاييس وأشباهُ
قياس النعل بالنعل إذا ما هو حذاهُ
وللقلب على القلب دليل حين يلقاهُ

!

 

 

حلمانة كنت في رباعتي

صديقات الطفولة و المدرسة

و الحياة 

 دوم أحن لهم و لأيامهم

: )

حتى خطوط أياديهم و هداياهم

و ذكرياتهم موجودة في أوراقي

و محتفظة فيهم

معظمهم تعرفت عليهم من الروضة

و بقينا في مدرسة وحدة لين الثانوية

عاد تخيلوا كيف الارتباط يكون

و لكن أكيد في الاخير الدنيا تتغير 

و التواصل يقل . . و تجمعاتنا بالصدفة 

!

بس الشعور يبقى ما يتغير

ما تصدقون كيف استانس اذا حلمت حلم يخصهم

: )

ما أعرف شو التفسير يكون

بس أنش مستانسة

البارحة و أنا في الدوام وصلتني مسج

من دـــــــــ سوريا

و كاتبة فيه

Hi auntie..im here at last

momy misses u

sender: taloula seif

mom: d_____

dad: g______

; )

عاد الصبح أنا مقفلة مولية

أقول أمسات حلمانة فيها

ماشاء الله و اليوم مطرشة مسج

و أقرأ مسجها و أقول يمكن مغلطة

عقب رشفة من الكوفي

مخي اشتغل

!

واعلية عليها تقصد أن ولدها

Her First baby

مطرشلي مسج

 يقول أنه شرف الدنيا أخيرا

  و أمه مشتاقة لي

أنا طلال

 و أمي دــــــــ

 و  أبي

 غـــــــــ

خنقتني العبرة

!

: (

من الفرحة والله . .الأخت ردت لبلادها سوريا

من عقب ما عرست 

و

 تذكرت أيام المدرسة

 كانت تقولنا بتسمي

 ولدها طلال

و ماشاء الله

الله عطاها على قد

 نيتها

!

خذت اللي تباه . . و يابت ولد مثل ما تمنت

سرحت لحظتها و قلت الله يا دنيا

أمسات كنا نتكافخ

 و نضحك و نسولف و همنا بس نفسنا أوراق و طباشير

لكن ألحين الهموم كبرت و تغيرت

 و البنات تفكيرهم

استوى بيت و ريل و عيال

: D

حتى من زود ما أنا متأثرة

حاطة صورة

 عيوشة

Wallpaper

بنت ربيعتي الثانية . .هم غالية على

 القلب

: )

!

صدق الله يا دنيا

من القلب و في الخفاء أقول

يا رب اسعد كل رباعتي

 و عطهم على قد نيتهم

!

الا صدق .. ما ياكم هالشعور؟

تفكرون بتمعن و تقولون بعدها الله يا دنيا

هي دنيا كبرت و لا نحن كبرنا؟

 اللهم ارزقني حج بيتك الحرام في العام القادم و في كل عام

ما أبقيتني في يسر منك و عافيه وسعة رزق
ولا تخلني من تلك المواقف الكريمة والمشاهد الشريفة

و زيارة قبر نبيك صلواتك عليه وآله

 وفي جميع حوائج الدنيا و الاخره

 فكن لي اللهم إني أسالك فيما تقضي وتقدر من الأمر المحتوم

 في يومك المبارك من القضاء الذي لايرد و لا يبدل

 أن تكتبني من حجاج بيتك الحرام المبرور
حجهم المشكور سعيهم المغفور ذنبهم المكفر عنهم سيئاتهم 

واجعل فيما تقضي وتقدر أن تطيل عمري

و توسع علي رزقي وتؤدي عني أمانتي

 وديني آمين رب العالمين !

:

 

:

 

  تعودت أني أطرح كذا موضوع في بوست واحد 

ف يودوا راسكم كالعادة و هالطبع ما بودره

 : P

:

:

 أمسات كنت سايره برجمان

 أدور على هدية أخذها 

 For My Mum

 و حاطة في بالي أخذلها شنطة 

دشيت

 LV

 DIOR

 CHANEL

 VERSACE

 الخ .. 

بس ما حصلت شيء حلو  و يليق على ستايلها

 So

أخر شيء قلت بدش

 Valentino

 يمكن أحصل ! 

كانت بنت و أمها بعد في نفس المحل

 هايل كل ما أدش محل أشوفهن بويهي 

الأم و البنت مصدقات عمارهن

 طبعا ما تفرقون بينهن بالرغم من تجاعيد ويه الام الا أن المكياج لاعب دوره 

و قصتها أي “قدلتها” بلغة أخرى لاعبة دور ثاني في تصفيرها 

 كانت الام ما تنتبه لي لكن البنت تطالعني من فوق لين تحت 

: D

  أنا يوم أكون روحي أو حتى حد وياي

 و أكون ساكته ملامح ويهي دوم حزينة 

و يمكن اللي يشوفني أول مرة بيقول

بلاها خقاقة ما تبتسم ! 

في البداية عذرتها 

و أنا أطالع الشنط و هي قريبة مني 

اتصلت ربيعتي تقول انها ما حصلت الشنطة اللي أدور عليها في

 Emirates mall

 قلت لها حتى في برجمان ماشيء هاي الشنطة تراها مب يديدة 

  و صكرت الخط 

و أنا بطلع من المحل كانت تقول حق أمها

 Mamaaaaaa Mamaaaaaa

 تدرين؟ زين اني خذت هايج الشنطة .. ترى محد عنده بس أنا

” هي مرة بنت ملك فاروق .. شنطة وحده ينزلونها لك “ !

 و الأم لابستنها و ترمس راعي المحل

 تأشر على شنطة و تقوله

 أونه 

No Green from this

 عاد أنا قلت ما بحقرها برد عليها شوي 

فاضية ما وراي شغل

   لفيت ويهي و قلت عفان الله .. هايل المرضى متى بس بيتشافون 

خقة على فاضي .. !

 LOOL

 اش ياب اللي ياب 

 عنتر أخو بلال

كان تطالعني بنظرة و كأنها تقول يلعن الساعة اللي رمست

LOOL

 بلاهم اليهالو ما صدقوا من دشوا هاي المحلات قاموا يخقون؟ 

و حركات الكلام و ماما ماما 

ترى لا لبستوا شيء ترى لعماركم مب للناس !

 لا القهر كانت شالة شنطة

 GUESS

 LOOL

:

 :

 قصة ثانية  هنتين كانن. . وحدة شكلها مقبول و الثانية مصدقة بعد مول عمرها

 شفايفها هالكبر و حاطة تحديد عنابي مال زمن نابليون

 و لابسة عشبي 

و

 طبعا العباء مبطلة بدون عقمة و مب ميودتنها

 و تمشي و تتمخطر  بس عسب انشوف ريولها 

وااااااااااااااااااااااااااااااااي

 ” يا شين السرج على البقر” بس 

تخبلن بنات الامارات

 عاد انتي شخصك شخصك في القصير؟ 

لابسة جينز قصير تحت الركب شوي 

 الا ينافسن الشرقيات 

 بس سرتي و لا نزلتي حلاتك بجلابية بو تيلة و لا بو تلي

 LOOL

 ننتقل للشباب شوية

 : $

 عاد ما يستوي ما نقطعهم شوي ! 

و خاصة فئة المفلسين من الديون أو فئة الراهيين و بايعينها بشرف

 يعني أخوي انت راكب بنتلي آخر موديل

 و رقمك ثلاثي أحمر مال بوظبي تغازل ليش؟! وين برستيجك؟!

 شو خليت حق الفقارى قوم مرسيدس و أودي و رنج؟! 

والله كان ودي أقول بنتلي و تغازل؟

 LOOL   

 :

 : 

:

 الدنيا مستوية عندي سبهللة 

جايسني مرض اسمه كارهة جنسيات معينة

 يمكن في حد منهم يقرأ ف  احتراما لمشاعرهم ما بحدد

يا الله خلاص

ما قمت أتحمل دبي و هي زحمة 

خاصة وقت الظهر و لا المغرب 

و أنتوا في وسط هاي الزحمة 

تلفون يمين و يسار تشوفونهم مكودين طبعا الهنود على رأس القائمة 

 كأن البلاد ماشيء مواطنين فيها

 انقرضوا و لا شو السالفة؟

 لا سرنا مكان ترفيهي

 تسوقي 

حتى المستشفى

 كلها جنسيات ثانية أشكال و أنواع

 المواطن وينه؟ ليش ما ينشاف ؟

 عاد عنصرية و ما أحب الخير و ما فية مذهب لأني ما أرحب في الاشقاء عادي راضية

 : ( 

بس يا ناس تعبنا  ! 

سياير بالهبل من كورولا و مازدا و أخوانهم 

خاطري بس جي مرة أطلع

 لا صديت أشوف سياير شباب واقفين عند الاشارة

 و لا بنات  !

 أبى أحس ان نحن الامارات العربية المتحدة

: )

:

 : 

:

  أخيرا

بيردون حجاج بيتنا يوم الأحد

ردتهم هو عيدنا

تقبل الله طاعتكم جميعا 

 ! 

 

رسالة أرسلتها لأخي في المدينة المنورة

 

أنا يوم وصلت بابي .. حملتك داخل أهدابي
و حين اللطمه صابتني .. طحت يَا وليدي بأعتابي

لطم عيني ذبح وردك .. على جفني انرسم لحدك
و أحسك يَبني بدموعي .. تنادي المصطفى جدك

و بين جداري و العصرة ..
تموت الحسرة عالحسرة

رجيتك .. يا غالي .. تسامح قلبي لو قصَر حنانه
في صدري .. أمانة .. ترى المسمار ما قصَر أمانة

هجرني بعذابه .. و همه يتجدر
ذبحني صوابه .. و في ضلعي أثر

يَا ابني عِذري .. على صدري .. ينزف بدمه على دمك
و بس يـقلك .. عالجرى لك .. يا حبيبي سامح أمك

لو بيديه .. كنت أحامي .. لا تصيبـﭻ هالأذيه
يمه ريته .. كـان فيني .. هالبلاء جاري عليه

و لو بيدي والله .. أقدم لـﭻ أكثر
و أفدي ضلوعـﭻ .. و أبد ما اتأخر

لعينـﭻ عمري و شهوره .. يَا دمعه بدمي منثوره
و كأن أضلاعـﭻ بصدري .. يا يمه تبـقى مكسوره

بمان المواجع .. و العصره و ألمها
بمان المدامع .. و الكسره و هضمها

بين حزنٍ و اعتذار .. سامح الله الجدار
و الذين اقتحموا الدار .. قلهم بشراكم النار

روعوكِ .. عصروكِ .. و فم الضلعٍ تجارى
بين بابٍ .. و جدارٍ .. سامح الله الجدارا

:

:

    اليوم عند وصوله مكة المكرمة

 أرسلت له

  

  حبك أغرب حكاية

 كأنها يوم اللي انولدت .. انولدت وياي قصة الحب و العذاب و أجمل ولاية 

خل اسولف لك  

عن اللي بقلبي و حشاي

 يقولون أمي يوم اللي اولدت بي تنادي سهل يا ركن علي

 و هذا يومي الاول 

 و تسجلت باسمك أنت من طلوعي

و على عيني منطبع رسمك 

حبيبي 

سيدي

 أميري 

 يوم عشت الطفولة بواحتك وردة 

يلعب وياي العشق بالروحه و الردة

 و اسمك يدير العمر للوقفة و القعدة 

ياللي عمري منه يبدي و ينتهي عنده 

و يقولون كنت أحبي وسط أهلي أنادي باسمك

 و أوقف على رجلي

 و ظليت أكبر وياك و اسمك ويا أمي يربيني

 كلما عمري يكثر بوصلة حبك تدليني 

!

:

 

:

 

 : (

 

  

الشهور مضت على عجالة 

حتى أدركت اليوم أنني أكمل عامي الأول في الوظيفة 

أتذكر اليوم الأول عند حضوري للقسم .. لم أكن غريبة على الجو هناك

   بحكم أنني كنت أعمل فيه لمدة شهرين .. و ذلك من خلال الـ

 Work placement

 كنت طبيعية جدا . . و لا مجال للتوتر أن يعتريني لكن شعور الرفض و القبول

 يجتاحني عند سؤال الاقارب عن اليوم الاول

 أو عن الوظيفة بشكل عام 

: )

 !

 كنت لمدة 3 شهور تقريبا شبه موظفة 

لأن العمل كان متوقف بحكم شهر ديسمبر

  و كنت ما أفعله سوى تكملة مشاريع غيري

 و اذا ما قارنت بعمل اليوم

 اعتبر الاول من التوافه ! 

مرت الأيام و الشهور

 و أنا أشرف على مشروع تلو الآخر 

و أول المشاريع التي نفذتها كانت لدولة يوغاندا 

: ) 

شكرني حينها المدير الشاب الذي يتواجد في يوغاندا 

و اندهش عندما علم بأنني تحت التدريب !  

كانت تلك هي البداية و تلتها خطوات

  لكن بقى الشعور كما هو .. ما بين الرفض و القبول ها هو العام الأول يمر

  و الى الان لا أعلم هل أنا سعيدة في عملي أم العكس ! 

 الأهم من كل ذلك أنني استفدت كثيرا في المرحلة السابقة

 و أتمنى من كل قلبي أن تكون المراحل القادمة أفضل بكثير عما تصورته

 و ان تكون النفسية على أحسن ما يرام 

: ) 

!

 :

:

:

  Update

   لصفحة

 100

 FACTS ABOUT DUBAI 

وجب التنويه !

 

من البارحة و أنا أدمع . . بالأصح أصيح

حتى في الدوام

ضغوط العمل نخليها على صوب

و نجي حق الشيء الأصعب

ان أمي بتسير الحج اليوم في الليل

 ! يعني 14 يوم الحبيبة محد في البيت

و لأول مرة تسافر بدوني

بدون أحد من بيتنا على أساس آخر الاسبوع أخوي يلحقها

  لا سافرت أمي بلاد بدون أبوي

كنت أفازعها

!لكن هاي المرة ما اضبطت

يمكن مب من نصيبي أسير الحج هاي السنة 

: ( 

 ما كان ودي يجي اليوم

و يمكن ودي لأن هاي السفرة هي محتاجة لها

ف ما بين الرفض و القبول

و أنا متماسكة

 بس الحزن باين على ملامحي

 ناسية أني مريضة و الحمة و البلاعيم متعبيني

 بس ناسية والله ناسية 

و تفكيري كله مرتكز على شيء واحد؟ 

كيف البيت من دونها؟ 

أنش الصبح لدوام .. أشوفها بويهي 

و لا أسمع حسها و هي ترمس الخدم

 بما ان غرفتها مقابل غرفتي 

و مرات تتصل في الدوام لا بغت شيء

 و من أرد من الدوام أشوفها يالسة في الصالة  

و تتريانا  

و كالعادة أسلم و أغير ملابسي و أتغدى

 و أبدأ أسرد لها القصص اللي صارت و اللي استوت الين ما أشبع و أدخل غرفتي

 : ( 

 عقب صلاة المغرب نيلس كلنا مع بعض و نسولف

لين ما يغلبني النعاس و أتوكل لفراشي

 ! شعور مب حلو . . لا غاب عنك أغلى ما تملك 

لفترة تكون قصيرة في نظر غيرك

 بس عندي أنا أحسها دهر 

عمر 

 قرن

  !  في المطار ولد خالي يقولي لا تصيحين يا دبي الا هي اسبوعين

 لا تخلين أمك تشوفك

 و أنا في قلبي أقوله

 من الصبح هي مب طايعة تحط عينها بعيني

 : (

 هي الأم  

هي اللي رضاها عني يكفيني

 هي اللي من الصغر كانت تشاطرني كل ما في قلبها

 لا قالت آه  كانت دمعتي طوالي تنزل

 تعرف أني ما اتحمل أشوفها بحال ما يسعدني  

فديتك يا أمي

من ودعتك و أنا أشتقت لك

 عسى الله يردك لنا سالمة 

و يخليك لنا 

ترى من غيرك أنا ما أسوى 

 و لا الحياة تسوى

 و لا البيت يسوى 

: ( 

 أوعدك لا رديتي لا أبشرك ببشارة

 أنت تتمنيها  

يا رب لا تردني 

و أنت تعلم ما في الصدور

! 

الصفحة التالية «