البارحة راده من الدوام .. أشوف أختي الصغيرة تتغنى في بوش  

شو السالفة؟ .. المدرسة عاطتنهم اجازة عسب بوش بيشرف دبي

 يدرون أن الزحمة عندنا شيء خيالي 

ياني احساس أن نحن بعد ما بندوام لأن فرع شركتنا اللي على شارع الشيخ زايد عطوهم اجازة

 يلست أطالع مسلسل عرس الدم

 و اتيني ذيج الرسالة اللي تبشرني بأن باجر اجازة

 و قلت شرات ما قالت أختي فديت أمك يا بوش

 أول مرة نحبك يا ريال و أول مرة فيك خير .. لو أن ما وراك خير مول 

و كل المواطنين يتمنون أنك اتم عندنا اسبوع على الاقل 

يومين ما يسدك تحاوط و تشوف اليولة

  ! 

LOOL

 و الجو كان جنان الصراحة البارحة ..من الصبح الدنيا تمطر

 اشكثر المطر محتفل بحضور بوش؟

  “يخسي” أقصد يا هلا به نورت الدار 

 الكل محتفل فيك 

 و عسى ان شاء الله ضيافتنا على قد مقامك 

و ان شاء الله الشتاء و المطر و البراد اللي عندنا كنت مستانس منه؟ 

و فضفضت عدل .. و طحت في ايران و حزب الله و حماس و كل الارهابيين

 و محد قاطعك.. و تغزلت بأرض الحرية اسرائيل؟

 ناقصين محاضرات نحن .. و خطابات لا تودي و لا اتيب

 بس يا ريال خسرت عمرك .. يايب طباخك و مليون شخص حماية نحن شعب مسالم

مالنا خص في شيء أصلا

 لا نكافخ 

لا نزاعج

 و لا نحتج 

حدنا حدنا نعترض على اتحاد الكرة .. هالدور نتعنتر سياسيا؟ 

نحن شعب يعطونا اجازة ..نسكت فرحا.. نقر في بيوتنا و نستانس بهالجو 

 ف لا تحاتون .. مب معرقلين حركة أي حد  

قبل شوي يشكرون المواطنيين و المقيمين على تعاونهم في تخفيف الزحمة و تقديم صورة طيبة عن دولة الامارات 

” نحن في الشوفة .. بس عطونا اجازة .. و شوفوا كيف نبيضها”

 http://afp.google.com/article/ALeqM5jZm0Tdlgt2F9W3vMhKC8Trrp6MHw 

 و غلاة أمك يا بوش

 كررها .. كرر زيارتك

  : )

  ! 

 أنا وحدة أول ما عرفت ان اجازة عندنا .. سيده سويتلي تركش كوفي

 و جابلت هالجو البديع

  LOOL 

 شعور حلو في هالبراد تشرب قهوة ثقيلة .. و تنخش تحت اللحاف  

و تعطي حقوق هالشهر

  WE ARE BACK TO THE WORK TOMORROW

  بديت بكورس ثاني هالاسبوع

 بيستمر لين مارس .. صح مب وقته .. بس لولا الجو الحلو كان مديت بوزي 

  كلش كلش مستوية كسلانة 

: $

 !

 

Advertisements