لا أكذب عليكم .. لقد اشتقت لهذا المكان و “لطقطقة” الكيبورد باللغة العربية

لكي أدون أو أصور ما يجول في خاطري !

 و لا أخفي عليكم أيضا بأن لتلك الوقفة ايجابيات و سلبيات ..

 لكن الايجابيات طغت على الثانية لا يزال هناك جرح .. أو ألم .. أو لنسميها سقطة 

و لكن تعلمت منذ صغري أن لا ألجأ لايا كان لأشكوه همي و انما لله .. !!

 لا أود من أي شخص غالي في محيطي أن يحمل همي أو يتضايق .. 

 هناك من يستطيع أن يتحمل كل شيء .. و هو الكبير .. !!

 الذي يستمع و لا يرد عباده .. !!

 : )

 سأكتفي من طرح البوست بالفصحى

 لأنتقل للعامية و ذلك بسبب

 الأفكار القادمة تستدعي مني .. 

 و أتمنى منكم تنبيهي بالكلمات الصعبة حتى أترجمها لكم ..! 

 ( :  

 مواقف استوت لي في الأيام اللي مرت .. طبعا بذكر اللي اضحك

  الصبح .. تقريبا الساعة سبعة كنت واصلة الدوام ..

 بركنت السيارة 

لأن المهندس الذكي اللي مخطط لمبنى دوامنا اليديد ..مخطط الباركنات تكون ضيقة

  و تخيلوا

Q7

   تبركن فيها .. ما يستوي .. و أبوي خوفني

 أونة

 وقفي تحت أحسن لك

تطلعين وقت .. بدال ما تلفين في الباركنات و هي ضيقة

 بتتلعوزين قلت أوكي ..

  المهم الصبح الساعة سبعة و المزاج زفت

 و يوم الأحد أول الاسبوع ..

يدق واحد على دريشة السيارة

 طق طق

  زغت ..!!

 هذا الانسان أشوفه في الدوام يعني يمر دوم جدامنا ..قلت نعم؟!

 قالي أختـــــــــــــــــــــــــــــــــــــــــــــــــــــــــــي و يمد في الياء ليش موقفة هني؟ 

ويهي استوى أحمر .. و كنت أبى أقول شو خصك ؟

 حق القفاط فالحين 

قلت ما أروم أودي فوق في المبنى ..

 سيارتي كبيرة و الباركن ضيق

 LOOL 

يضحك ..! 

قلت في خاطري .. وااااااااااااااي صدق مطنزة

 قال ..زين أنا كل يوم ببركن الموتر .. شو رأيك؟

 قلت له و من بينزلها؟ 

D :

 ضرب على صدره .. و قال .. أنا .. أفا عليك .. شرات أخوك أنا

  وحليله قصده شريف .. هو شكله بدون .. و عربيته شوي مب لين هناك  !!

 قلت لا تسلم و الله .. ما يستوي بعد كل يوم تتلعوز و تشلها

 قال لا تستحين؟

 قلت لا مالها داعي

برفع الدريشة .. كان يقول

 ترى أنا والله غامضني الموتر

 حرام في الرطوبة

 قلت في خاطري .. بس؟؟؟؟؟؟

LOOL

 ألحين كل صبح .. اذا تلاقينا ..

يطالعني و يضحك أدري استويت مطنزة ..

بس الله كريم !!

 :

:

:

 يوم من الأيام كنت سايرة الكورس .. و واصلة الدوام تقريبا

 الساعة وحدة الظهر

 وقفت السيارة بطريقة عجيبة ..دبل باركنج ..!!

 طبعا هاي دوم أسويها

 ياني السيكورتي .. مدام عدلي السيارة

 و وراي واحد بعد كان يسمع

 قلت ما بعدل 

قال شرطة يجي مدام .. ما يخاف؟! 

قلت طالع هذا ..وااااااااااااااي شخباررررررررررررري ..

شو شرطة أنت بعد و أمشي

و يلحقني .. 

 و الولد ميت من الضحك

 و أنا أصلا ويهي محترق 

 أونة يجي شرطة يحط مخالفة ..

قلت له ما عليه يحط مخالفة

 أنا يريد مخالفة 

LOOL

  ما أعانده .. بس ما يدري أني لو الموت

 لا وقفت دبل باركينج ما أعدل خلاص ..!!

:

:

 ناس الله يستر عليهم .. شافوا موتري

 موقف بطريقة أحلى

 جي سرت جداااااااااااااااااااام .. و رديت بالريوس في الباركنج 

كان يقولون لي نحن ساعة نفكر

كيف موقفة جي؟!

 ; )

 أقولهم النفسية تلعب دور أحيانا !!

ما أحب أكشف كل أوراقي يا بابا !! 

 :

:

:

 شارع الخلفي من الفريج .. هذا ملتقى لبعض الوجوه فقط

 مكتوب علينا نتلاقى نحن .. في أوقات معينة 

 2 مورانو .. وحدة تسوق ..و واحد 

و انفينتي .. و راعيه ريال

 و رنج و راعيته بنت ..هاي نكتة الصراحة !! 

تحدي بينا .. هاك اليوم راعي الانفينتي شكله ناوي يخيسها

 صك الدرب على راعية الرنج .. و اتي راعية المورانو و يصك عليها

 و كل يوم يستلم وحدة فيهن !!

 طبعا أنا على ويهي مكتوب ..قرب .. و أنسيك حليب أمك !!

الصبح جنون الدنيا فيني .. !!

 المهم يصك على راعي المورانو .. تدرون شو سوه راعي المورانو؟!

 نزل دريشة السيارة ..و صب الحليب اللي يشربه على دريشة الانفينتي !!

 Aywaaaaaaaaaaaaaaaaaa

 أنا شوي و “أطق اصبع” ع قولة الكوايتة

 صباح الله خير من متفيج حق هاي الحركات ها؟؟

 لا كله بصوب و يوم أوقف ع لفة و أترياهن يخطفن 

وحدة وراء الثانية في ايدهن كوب حليبها !!

 :

:

:

 ع طاري الانفينتي .. كنت طالعة الخميس اللي طاف أقضي شغلة

الجو كان خايس عندنا ..برد و غبار و هواء

 و معلية على صوت المسجل عندي آخر شيء

 السيارة تهتز ..لا تخافون مب موسيقى !!

 و رافعة طبعا الدريشة ..!! 

 راعية الانفينتي وراي .. ما كنت أدري أول شيء أن بنت فيها

 مخفي لأن .. !!

 لاصقة لصقة عنزروت في سيارتي ..تبى أعطيها طريق ..!!

 عاد يوم الخميس .. و أنا حدي تعبانة من فجر الله ناشة حق الدوام !! 

الواحد لا بغى ايود لسانه من بعض الكلمات .. و يستوي انسان لبق .. المجتمع ما يساعده !!

 يعني يا بنت أمك و أبوك .. اتشوفين الشارع زحمة

  و الهواء خايس .. وين أسير؟!

 تنحت أنا .. مشيت على 20 تخيلوا؟! 

من حصلت هي فجة على الطرف..سارت على الطرف الثاني..

و أشوفها في المنظرة تسويلي حركات مغايض !!

LOOL

   شفتها و بست يدي 

و حطيتها على يبهتي !!

الله يشفيها بس .. حركات البنات .. !!

:

:

 :

تصدقون لكم وحشة؟!

; )

:

:

:

خارج النص

قال أمير المؤمنين: ان لم تكن حليما فتحلم , فانه قل من تشبه بقوم الا أوشك أن

يكون منهم !

Advertisements