لو الدنيا عندنا اتم بسيطة شرات اللي قابلتهم

كانت بتكون أحلى

 المشاريع اليديدة في دبي و الامارات الثانية

خلت الماضي في طي النسيان

و جبرتنا أن نتكيف مع المتغيرات اليديدة

طبعا غصبا عنا .. تماشيا مع العصر

تماشيا مع القوانين

و القرارات الرسمية .. و الرسوم المفروضة

بداع أو بغير داع

 

مقطع فاصل

 

تفووووووووووووووووووو على الفلوس

و على التطور

 

مقطع فاصل

 

آسفة ..لوعت جبودكم

 

 

أمسات أمي .. ماما .. طرشتني أشتري العشاء

و العشاء هالمرة شعبي بحت

صليت صلاتي .. و طلعت و قلت زين المخبز هذا

يسوي كرك بعد .. و بالمرة نغير جو

 

وقفت عند المخبز الايراني الاول

 

تييييييييييت .. هذا هرن السيارة

راعي المخبز: السلام عليكم

أنا: عليكم السلام .. وين أنت .. كم مرة أتصل كله مغلق

راعي المخبز: أرباب سار ايران

أنا: ايوووووا .. أنزين عشر دراهم الله يخليك خبز وقــــــــافي

 

و كان أفجر قنبلة الموسم .. أعطيه كلمة ايرانية قوية

 

أنا: خوشك بريززززززززززززززززززززززز

 

راعي المخبز: ميت من الضحك .. ها ها ها

شوي عربي .. شوي ايراني ..ماشاء الله

 

أنا

 

: )

 

تخلص الطلبية .. و يقولي .. عشان خاطرك

2 خبز زيادة !!

 

أنا: بكل ذرابة و مستحى .. يا ربي .. شكرا

 

و كلمة ثانية ايرانية قوية عقيتها

 

أنا: ببخشششششششششششش

 

: D

 

حركت السيارة .. و أقول في خاطري .. ليش الناس يقولون عني مب طيبة؟!

 

 

فديتني على قولة ناس .. أنتي تنحطين على الجرح تبرين

 

طاااااااااااااااااااخ الموسم كان

 

 

مشيت شوي .. و وقفت عند مخبز هالمرة هندي

 

أنا: السلام عليكم .. 1 كرك .. و 5 دراهم براااااااااااتا

 

الهندي: أوكي

 

و كل ما أوقف في هالمكان ..لازم أدقها حزن

يا ربي .. يا أمي .. ليش اطرشيني

أذكر كيف يدتي تحب نطلب لها الاكلات الشعبية من عنده

 

: (

 

و كنت ألقمها بأيدي

 

تيييييييييييت .. للمخبز الايراني اللي حذاه

متخصص في خبز رقاق و مشاوة

 

تعال بابا تعال

 

هو: أمررررر

 

أنا: سوه 10 دراهم خبز رقاق

و 10 دراهم باججججله

 

طبعا أمي ما طلبت رقاق ..بس أنا مخي قفل خلاص

يوم أنسى أنسى بعد

 

الهندي: كرك ..فرررري حق أنته

 

أنا: شو السالفة ؟!

 

اليوم مكتوب على يبهتي .. لقيطة ؟!

 

LOOOOOOOOOOOOOOL

 

أنا: لا شو فررري ..خذ مشان أنته زياده أنا يعطيك

 

الايراني: تفضل

 

أنا: شكرا

 

يحط الريال الطلبية على سيت السيارة

 

و يقول ماشاء الله وقافييييييي بعد

 

أنا : على هواك .. حفلة عندنا اليوم

 

: )

 

 

 

كم هم بسطاء

 

 كم هم أنقياء

 

نفوسهم طيبة

 

أخلاقهم عالية

 

 

يا ربي ليش خلقتنا في آخر الزمان نحن؟!

 

صعبة صعبة صعبة الحياة

 

مرررررررررررررررررة

 

Tough

 

و تحتاج لنفس طويل

 

ما توافقون الرأي ان البسيط أحلى في معانيه ..؟!

 

 

Advertisements