الويكيند اللي طاف كنت طالعة ويا خواتي و أخوي ..
آخر الطلعة قلنا بنتعشى في مطعمي المفضل “Chilis” ..
خلوني اقولكم قصة Chilis ..و كيف انتشر و ذاع صيته ..
و كيف الناس في محيطنا حبوه ..
من أول ما فتحوه عندنا في دبي ..
أبوي مرة عشانا فيه ..ما كملنا حتى الاكل..
بس طحنا كلنا دح في الChips و الذرة..
من الطبيعي يوم ادش مطعم أول مرة تذوق أكله ..يمكن ما تستسيغه ..
تمت الفكرة في بالي ..
من أشوف Chilis أقول لا حق ربعي ..مب داشة ..دوروا مطعم ثاني ..
لين ما وحدة من ربيعاتي ..قالت بدشين و ريولج فوق راسج .. و أنا بطلب لج ..قلت لو مب غاوي الاكل بخليج تدفعين الحساب ..
طبعا هاي السوالف أيام المراهقة ..Chilis معروف عنه مطعم جديم في الخارطة ..و من كثرة المطاعم عندنا ..
أحيانا تنسى مطعم و تفكر في مطعم ثاني ..و من تمل تفكر في غيره ..
عن نفسي ما احب التغيير في الاكل وايد ..
عموما دشينا المطعم ..و قالت لي سكتي و انا بطلب ..
كان تطلب لي “Texas Fries” ..اح اح اح ..الاكلة نوع من المقبلات ..
بس انا المقبلات تشبعني ..و احب اصلا المقبلات اكثر من الوجبات الرئيسية ..
عاد من هاك اليوم ..و أنا كل ما ادش.. تكساس فرايز تكساس فرايز ..
و الاهل ما كانوا يعرفون عن Chilis ..قلت لهم مرة خلونا نسير هالمطعم و على ضماني ..
عاد عقب الكافتيريات يدشون مطعم ..شو حياتهم ..خاصة الاولاد ..ذوقهم وايد صعب
البنات مقدور عليهن ..بديت اطلب لهن على هواي ..و حبوها ..و حتى الاولاد
و ماشاء الله محد مربح Chilis غيرهم الحين ..و طبعا يعود الفضل لي .. لازم بن لاحج “الوكيل” يعطيني الوكالة..
من أجرب شيء ..آخذ بنت خالي و أقول كلي ..
تسير هي كعادتها رويتر ..DUBAI أكلاتها عجيبة ..جربوا ها ..هلم جرى ..و العايلة من المحيط الى الخليج ..تطلب !
اللي يضحك من يدشون Chilis بدوني ..يتصلون أونة نحن في Chilis..على بالهم يغايضوني يعني ..
صدق المثل اللي ينقال ..”فر الشسمه و الحقه يا شسمه” ..آسفه على التشفير
الناس يتعشون و يتغدون على القمر ألحين ..و هايل بعدهم على Chilis..!
المهم نكمل الاكلات الثانية الحلوة ..
جربت بعد أكلة الروبيان مع الدياي ..
بس ما عيبني وجبة الستيك “اللحم” مالهم.. و تشيكن سيزير..
خلوني أكمل
Classic nachos نوع من المقبلات بعد..
و طبعا حاليا حبيت تشيكن كريسبرز
بالذمة ..ما يعتوا؟
و هذا الفجيتا ..ما حبيت خبزه وايد .. فيه شكر ..
هاي الأكلة ..لازم تكونون صايمين يوم كامل ..عقب تطلبونها ..اتي ويا “العيش” بعد ..
أسمها كاسديلا..
و لعشاق المشروم لا يفوتكم هالطبق ..
::
جوان 30, 2007 at 12:30 ص
آآآآآآه يا chilis
:D لول !!
اول مادشيت هالمطعم شرات ما قلتي تزيغين تطلبين صحن دسم فمطعم اول مره اطبينه .. طلبت برجر .. عقبها علقت على ال parmesan chicken pasta .. وآخر مره سرت وحده نصحتني بال chickn crispes ;)
اما عن المقبلات فال garlic bread مالهم ما يتفوت !
وطبعاً لازم نحلي آخر شي وناكل molten cake =D
يوعتيني =S باجر توديني =P
جوان 30, 2007 at 3:57 ص
barekallaaaaaaa feeech 3al ma3looma el yedeeeeda o bel 3aaaaaaafya enshallaaa :@ :@ :'( !!
neseate el chicken & mashroom soup mmmmmmm .. latheeeeth :'(
جوان 30, 2007 at 12:33 م
JaSooDa
3Sa baSs 3gb Kel Hal “da77” Temtnain,,Yzeed 6oolCh Enty,,lole
FalCh 6yab,,baSs il7Saab 3laiCh :$
جوان 30, 2007 at 12:35 م
a7la 7elOo,,9edg Enk “Kommy” Wadrt kel ilposts,o 67et 3la Hal Post :P
allaH y3afeeK inShalla,Mib Mn 3adty aShrb Soup 3gb akL my main meal,Seeda aDsh fel Meal Bdon e7m Wala Dstoor :P
BaSs Shaklee Bayrb Hal Soup,wala Tz3el,Mn an9aaar ilMaShroom aNa
Thanks for the visit
:)
جويلية 1, 2007 at 5:52 م
كا قدرت أكمل يوعتييييييييييييني مع إنه توني داحة عيش مع صانونة ..صراحة ما جربت شيليز ولا مرة ..يمكن بعد هالدعاية أجربه ..وصح لازم تفكرين جدياص في إنهم يعطونج أرباج أو كوميشن على هالإعلان وهالمدح
:)
جويلية 1, 2007 at 6:47 م
يبالج ألحين “كوب شاي بالنعناع” ..! P:
جويلية 2, 2007 at 6:53 ص
احم احم………….. قوموا عني انا يييييييت..
اولا وثانيا وثالثا…..لحمهم وديايهم حراااااااام..مش ذبح اسلامي….اللهم اني قد بلغت…اللهم فاشهد …
طبعا انا بعد لي قصه مع ال Chilis وكالعاده كنت صايعه مع اختي…(( هاااي الاخت ماخلت مكان ولا خنخوش في دبي وما راحتله ..وحتى الاماكن اليديده .. تلاقيها اول وحده اتزور المكان عقب ما يفتتحه محمد بن راشد …اتصدقون حتى معبر الخليج يوم ما افتتحوه..قالتلي قومي انروح انشوفه..عنبو الا جسر وشارع شو تبيييين انتي….الصراحه يا دبي المفروض اتسوين صفحه خااااصه عن هاااي الاخت ))
المهم اول مره رحت التشليز طلبنا كل الاكل اللي فيه خضره من المينيو وترسنا الطاوله وكلنا ليييييين ما نقعنا…وردينا طلبنا مره ثانيه .. احس كل اللي في المطعم كانوا يطالعونه حشا مب اوادم وحووووووش .. والله ذاك اليوم ما رمنا نتنفس.. واليوم اللي بعده مووول ما كلت شي .. طبعا احنا العاده اندور عالكوفي شوبات .. الحين كل ما انيوووع انفكر في ال Chilis
Classic nachos ممممممممم هذا المفضل عندي …
والفاهيتا اللي بالخضره عجيييييييب يا دبي جربيه…
جويلية 2, 2007 at 7:20 ص
“أونة” حرام ..و مناك يوم تيوع تسير له ..صدق متناقضة “عصبت ترى” P:
تدرين يبالي المرة القادمة أسألهم ..و اعلية قلنا بن لاحج و اللي يشتغلون فيه مصاروة ..أكيد الذبح اسلامي ..لا يكون هايل ايبون من برع بعد الدياي و “الزهرمار” ؟! ..الصراحة لو صح طلعت السالفة ..”ببطل” أهم شيء دعائي يستجاب ..بعد أكل مب حلال ..ناقصين ذنوب؟!
بس يوم أختج “المفتية الكبيرة” تاكل من عنده ف أكيد حلال .. أكيد يبالها ..من بعد بو 33 ..يبالها خخخخخ !
بس صدق عفية عليها ..انا بقترح على الشيخ يحطها مديرة الارشاد السياحي ..شو الراي؟!
جويلية 2, 2007 at 9:34 م
لا حول الله………..مشكله الناس يوم يقرون سطر ويطوفون سطر….قلنا وبنعيد وبنزيد احنا انروح بس عاد ما نطلب الا الاكل اللي بالخضره…..خضرواااااات … خضااااااار … vegetable ….. سااابسي … (( بكل لغااات العالم قتلج )) ..
مديرة الارشاد السياحي…….ممممممم فكره مش بطاله كم راتبهم؟؟؟؟
جويلية 2, 2007 at 10:10 م
كليتيني صدق ..! @: