على غرار ما تفضل به أخي ابراهيم في مدونته .. و من يود الرجوع عليها فليتفضل بالضغط هنا..
يقول فيها “ارفع جينزك أنت سعودي” ..و أنا أضيف اماراتي أيضا ..
الصراحة كنت مستحية أرمس عن الموضوع و لكن بما أن الأخ ابراهيم بادر فأنا بضيف أيضا ..
الموضوع مستوي وايد “بايخ” .. يمرون شباب أونهم عاد .. طارين الكشخة طر ..
البنطلون واصل لين الركبة و زامتنه بالحزام ..
و الملابس الداخلية طالعة ..!!
يعني شو قمتوا تغارون من حركات البنات المستخفات؟! .. عاد الصايعة لا طلعت لها حق ..أشكال و أنواع في سوق النساء .. أنتوا ..على شو فرحانين؟
على الكاروهات .. و لا على كلمة CK .. زين درينا ملابسك الداخلية ماركة .. و بعدين؟!
ذاك اليوم كنا في Harrods ..
3 شباب مواطنين ..واحد منهم كان مطبق الحالة المذكورة .. و تبعه لونه أزرق و شكله من كثر ما هو مغسول مستوي سماوي ..
والله حالة .. شباب البلاد طلعوا مب هينيين ..
زين لو لابسين “وزار” مب أحلى و أشيك؟!
فرحانين بالشسمه ..كان خاطري أعق كلمه .. بس بقول “عيب” ..!!
زين أي شيء الاجانب يسونه لازم نسويه؟ ..اطوروا للأحسن ..مب للأسوء ..!!
ما أقول غير مالت عليك و على اللي قالك سير صيع بلندن ..حتى ذبابة ما بتعقها بهاي الحركة ..
حق اللي مب فاهمين السالفة ..هاي صورة الفلبيني اللي كان ينظف شقتنا ..
شو رايكم بالموضة ؟!
||
: ) .. !
أوت 21, 2007 at 12:26 ص
مفهوم شبابنا للتطور معكوس ومشوه بشكل كبير يعني ياخذون القشور ويخلون المضمون..
قامت تطفو على السطح أشكال غريبه صراحه يعني غير النوعيه اللي ذكرتيها شي قوم بو السلاسل
والبنطلون اللي يوم تشوفينه تقولين هالإنسان من أي حرب ياي.. صراحه مناظر تثير الإشمئزاز
في النفوس ..والله المستعان
أوت 21, 2007 at 7:58 ص
ييييييييييييه هنا كثير منهم لا والمشكلة لو تشوفيهم صغار باعمار الـ 19 والـ 18 ويدرسوا عندنا انجليزي والله حتى ما ينفع يروحوا المعهد بهدي الأشكال حتى الصواني اللي كفار ومهما سووا ما نهتم ما يعملوا مثلهم!!!
من جد اشكالهم مقرفة والله
أوت 21, 2007 at 1:54 م
الصراحة بتكتبين عن شو والا بتخلين شو
نحنه المشكلة عايشين مثل الريبورت اي اوامر تينا نسويها من دون ما نشغل مخنا
كل يوم بموضة و بسالفة تخلي الاجانب يضحكون علينا،،،للاسف اغلبنا ماله بصمة تميزه عن الاجانب
المشكلة يا”ناااااس يا هوووو”لازم تعرفون ان الملابس الداخلية فوقها ملابس تستركم عيب ان الكل يعرف شو لابس
تحت و غير جيه يعرف مقاسك…..
يا شبابنا تم شي ما سويتوه القميص و فتحتوه و السناسل و لبستوها الحين حتى داماس مفكر يفج محل خاص للشباب الي يبحثون عن التميز في”سلاسلهم” بس عشان ما ينكسر خاطركم و يقولون انكم شباب يتماشى مع الموضة و متطور ههههههههه
مشكووووورة دبي موضوع وطرح جريء يوصل لهدف
بردتي فوادي
أوت 21, 2007 at 4:15 م
بنوته
القائمة تطول في الوصف .. لكن هذه الحركة الجديدة جدا “مقرفة” .. الله يهديهم و يهدينا ان شاء الله : ) !
أوت 21, 2007 at 4:16 م
أسماء
بس السؤال اللي يطرح نفسه .. شو الحلو من هالشيء ؟!
سعدت بوجودك هنا أختي : ) !
أوت 21, 2007 at 4:18 م
بنت الاجاويد
صدقج والله .. حتى ساعات بو ألماس لبسوها ..صدق صدق أنقهر يوم أشوف واحد لابس ساعة تلمع ..!!
وين هيبة الريال في هالزمان؟!
العفو عزيزتي .. ما تقصرين على التواصل : )!
أوت 21, 2007 at 4:31 م
على فكره ..
هاي الحركه ممنوعه في سدني وعليها غرامه :)
تسلمين
أوت 21, 2007 at 5:43 م
الحمدلله الذي عافانا…
شي مقرف صراحة…ما اعرف شاللي عاجبهم في هالحركة..لاهي ذوق ولا هي اناقة!
وصدق من قال “ارفع جينزك”!
أوت 21, 2007 at 6:10 م
سبحان الله ممنوعه هالحركة بسدني ولا عليها غرامه..
أما احنا نحافظ على الحريات الشخصيه يعني لا غرامه ولا هم يحزنون
صراحة واقع مؤلم
أوت 21, 2007 at 8:54 م
المسألة مو بس جذي
اللي اهم من ذي كله
اشلون نحترم واحد منزل جينزه بأرادته ؟؟
اكيد ما نقدر نحترم واحد منزل جينزه بارادته و
اذا في كيفية نقدر نحترم من خلالها واحد منزل جينزه بأرادته
ذيييييج الساعة افكر اتقبل هالموضة
ثانكس الوت على البوست ياااااااااااااااااااااااااا دبي :)
أوت 22, 2007 at 12:23 ص
أحلى حلو
زين والله .. سيدني و تعرف “العيب” .. و نحن المسلمين في خبر كان : ) !
شكرا أخوي !
أوت 22, 2007 at 12:23 ص
أمل
هاي يسمونها “أمراض العصر” .. : ) !
شكرا الغالية ..!
أوت 22, 2007 at 12:25 ص
بنوته
نحن أثنين “يتباوسون” في مكان عام ..نقول ماعليه كيفهم ..!!
متى بس بنكون “خير أمة” اللي قال عنها الرسول ..!
أوت 22, 2007 at 12:26 ص
تعرفين شو أحسن حل يا البحرينية؟!
مرة ثانية نوقفهم .. و نقول تراك مسوي أزمة في الشارع .. ما خدشت الحياء .. بس ما نروم “نتنصخ” خخخخ ..!!
الصراحة شر البلية ما يضحك ..!!
العفو عزيزتي .. : ) !!
أوت 22, 2007 at 7:36 ص
الأمر تعدي الجينز ووصل لما هو أخطر منه
على فكرة الجينز هذا ولا يوم في حياتي لبسته ولا أفكر ألبسه !
خاصة مع أشكاله الغريبة ، نوع من غير ألوان ، ونوع مقطوع من عند الركبة ّ! والناس مستانسة
لكن ما بالك يا أخت إذا رأيتي مثل هذا الفلبيني يدخل المسجد ليصلي بنفس هذا اللبس ؟
أوت 22, 2007 at 2:49 م
ليش عابر أنت شفت هالأشكال تصلي بعد؟!
أوت 23, 2007 at 1:16 ص
الحمد لله الذي هدانا لهذا وما كنا لنهتدي لولا أن هدانا الله.
كما قال أخي عابر نرى مثل هذه المناظر في المساجد, بل وأكثر من هذا, والله المستعان.
أوت 23, 2007 at 7:26 ص
التقليد الاعمى مشكلة .. الله يهدي شباب و شابات أمة محمد .. !!
مشكورة دبي ;)
أوت 23, 2007 at 1:20 م
أيوب
صدق “قلة أدب” ..!
أهلا بك بيننا : ) !
أوت 23, 2007 at 1:21 م
آمين يا رب .. !
العفو يا أحمد . . و أهلا بك بيننا ..! : )
أوت 24, 2007 at 12:50 ص
أنا ماتخيل اماراتي يسوي كذا … أنا مرسومه عندي عن الشباب الاماراتي شباب محترم ومشغل ميحد حمد ( أحب البر والمزيون ) بس طلع كل ديره فيها الزين والشين …
وعلى قولة سمير غانم يقول ” ومنزل بنطلونه وكأنه مافيش محل فاضي في خصره ”
تحياتي لكل مقلد :)
أوت 26, 2007 at 11:12 ص
الصراحة .. هذا ولا شي .. اتريوا وبتشوفون الياي..
بعد ما مدارس دبي الحكومية ألزمت لبس البنطلون والقميص في المدارس اظن هالحركة بتنتشر في المدارس وبيقلدون الغرب في اشيا ثانية بعد
أوت 26, 2007 at 4:23 م
والله صدق فرحتني اذا فكرتك كانت وايد وردية عن شبابنا .. !! خخخخخ
ميحد و حسين الجسمي و عيضة .. بس بعد في مجموعة جدا تسيء لشباب الامارات ..
و شرى ما قلت الشين و الزين في كل مكان يا ابراهيم : ) !
أوت 26, 2007 at 4:26 م
الأميري
المشكلة مب في البنطلون صدقني يا أخوي ..المشكلة في العقل..!!
زمان الاول كانوا يلبسون بنطلون بعد .. ما في عيب في المسألة .. و لكن طريقة اللبس و الصرعات اليديدة هي اللي خلتنا نستحقر هذا اللبس ..!!
يعني لو كان عاقل ما لبس بهاي الطريقة : ) !!
فيفري 5, 2008 at 4:47 م
اخوي الله يديه انا دوم انصحه بالكلمه الطيبه او الكف مرات
بس ييت غيرت اسلوبي ..قلتله يا ولد ..قال امري قلت طاح منك شي ..
جان يتلفت ويقول وش هو؟؟
قلتله حزامك يا حبيبي!!!!
جان يقفط ..ومرة يبتله حزام كشششخة وقلتله الظاهر احزمتك كلها مضيعنها فقلت بتحتاي هذة في شفرتك …هههههه
اما حاله
تسلمين يا بنت البلد على الموضوع الحلو
فيفري 5, 2008 at 5:18 م
خخخخخخخخ
الله يهديه يا دانة
حياك الله .. منورة المدونة
!!
أفريل 27, 2008 at 4:45 م
أحسنتي قولا
و كان المفروض تكون ، ارفع جنزك – أنت مسلم
أفريل 30, 2008 at 7:55 ص
Yes Hana
: )
7yaCh allah Sis, o Tshrfna be Mroorch !