||
لو شفتوا الشوارع فاضية حزة المغرب .. عرفوا ان رمضان يانا ..!
لو شفتوا الخدامات من بيت لبيت و في أيديهن صحون و جدور ..عرفوا ان رمضان يانا ..!
لو شفتوا زحمة مب طبيعية كل مساء في الجمعية ..عرفوا ان رمضان يانا ..!
لو شفتوا أو سمعتوا “طاخ و طيخ صادر من الشلق” ..عرفوا ان رمضان يانا ..!
لو شفتوا خيم ناصبينها في كل بقعة .. عرفوا ان رمضان يانا ..!
لو شفتوا اليهال سهرانين في أيام الدوام و محد يهزبهم ..عرفوا ان رمضان يانا ..!
لو شفتوا من البلكونات و درايش البيوت التلفزيون شغال 24 ساعة ..عرفوا ان رمضان يانا ..!
لو شفتوا البنات دموعهن أربع أربع ..و مجابلين المسلسل ..عرفوا ان رمضان يانا ..!
لو شفتوا زحمة في المسايد .. عرفوا ان رمضان يانا ..!
لو شفتوا ناس أخلاقهم الصبح و الظهر و العصر زفته و مبوزين ..عرفوا ان رمضان يانا ..!
لو شفتوا بنيات و شباب يالسين على الرملة ..عرفوا ان رمضان يانا ..!
لو شفتوا السناتر و السينما ناس فيها ينعدون على الاصابع ..عرفوا ان رمضان يانا ..!
لو رحتوا ريحة لقيمات و باكورة و سمبوسة و ثريد .. عرفوا ان رمضان يانا ..!
لو شفتوا ناس ادينوا و يودوا القرآن في الشهر مرة و يصلون كل الفروض في وقتها ..عرفوا ان رمضان يانا ..!
لو قلت نسبة المغازل .. عرفوا ان رمضان يانا ..!
لو خف المكياج و القصص اللي طايره في الهواء و العباء المقصوصة ..عرفوا ان رمضان يانا ..!
لو شفتوا موظفين و موظفات ضرب رقاد في المكتب .. عرفوا ان رمضان يانا ..!
لو شفتوا ناس عقب الله أكبر سحبوا صلب من باكيت الجقارة ..عرفوا ان رمضان يانا ..!
لو حسيتوا الميزان أعلن وفاته .. و انكساره ..عرفوا ان رمضان يانا ..!
لو زاد الايمان عند حد .. و جدد عهده بربه .. و عطى قيمة للشهر .. عرفوا ان رمضان يانا ..!
لو طلعن صحون و خواشيق و ملال و قلاصات يديدة ..عرفوا ان رمضان يانا ..!
لو شفتوا البنت ادش المطبخ ..عرفوا ان رمضان يانا ..!
لو زادوا الخسوف في الجامعات و الدوامات و الشوارع ..عرفوا ان رمضان يانا ..!
لو شفتوا زلماية بس تلبس حجاب في هالشهر .. عرفوا ان رمضان يانا ..!
لو شفتوا هجوم كاسح على محل الجلابيات .. عرفوا ان رمضان يانا ..!
لو ناس أخيرا حسوا بالفقراء .. و طلع من جيبهم بالحسرة فلس ..عرفوا ان رمضان يانا ..!
لو كثرة الشردات من الدوامات ..عرفوا ان رمضان يانا ..!
* * *
4 أيام تفصلنا على قدوم شهر رمضان الكريم..
و الحمد لله أن بنصوم شهره هاي السنة ..
و ما ندري لو السنة الياية بنكون من صيامه ..
احساس ثاني يوم يهل هلال رمضان ..
طقوسه مختلفة عن باقي الشهور..
ان كان من ناحية العبادة ..
أو الحياة اليومية بفعاليته ..
ذكريات رمضان كثيرة ..
جميلة..
بالنسبة لي ..
و خاصة اللي يوم كنا صغار ..
طبعا كل شيء كان في الماضي كان غير ..
تحس بطعم هالشهر ..
طرى على بالي لحظات حبيت أذكرها لكم ..
كنا نسهر في الفريج برع .. لين الفير ..
بنات و أولاد ..
مسوين “منامه” ..و المنامه عبارة عن بيت أو يلسة نسويها من الخشب ..
كانوا عيال خوالي يسونه ..
و نحن نيلس أنشوفهم ..
و في الليل كل حد ايب أكل ..
أذكر البطاط ..
كنا نخليه على الفحم ..
و نيلس على “المنامه” و ناكل ..
و نلعب في الشارع .. و ياويل ويله اللي يخطف صوبنا ..!!
و من ايي “الرباع” اللي يقوم الناس حق السحور ..
نمشي وياه ..!!
و طبعا عقب الفطور لازم نتيمع بيت يدتي الله يرحمها ..
مشهوره “بالفرني” و “خبر الرقاق” مالها ..
: (
أول رمضان من دونها ..
I wonder
أكيد ماله طعم ..!
و حتى العيد ..
أكيد ماله طعم ..!
أذكر يوم كنت طفلة .. و بديت أصوم من الصف الثالث
صمت الشهر كله..
الا أخر يوم ما صمته ..!!
P :
لازم أكون
Unique
يعت و كان أسحب لي كاكو معجون ..!!
و من هالصف بديت أصلي ..
و أقرأ قرآن ..
بس بشكل متقطع ..!!
الين ما قدرت أختم القرآن على بداية الاعدادية..!!
::
::
::
قلت قبل أني ما أحب الحلو ..
كل ما دشيت المطبخ أسوي كيكة ما تضبط ..
والله عمري ما فلحت ..!
بس الموالح أفلح فيه ..
بعدين شفت السالفة مصخت ..
شو يعني لازم كل رمضان أرتز في المطبخ و أفشل ..
قلت ما بسوي شيء ..
من أول سنة جامعة كانت هي أخر مرة أدش فيها المطبخ ..
و الطبخة كانت
Rice Crispy
و كلهم كلوا نتفة .. كان أشل الصحن و أعطي خالي ..!!
يحب هالحلو ..
و أول ما طعمه ..
قال الله ..
هاي الاكلة دوم أشتهيها و أنسى أسمها ..
و أبى حد يسويها ..!!
: )
تصدقون خاطري في عرسية ..!!
و في “رنجينا” ..
لين ألحين ما يابولي اياها
: (
من رمضان العام ..
لله يا محسنين ؟!
بيتنا ما يضيع .. طرشولنا لو طشونا ..!
…
كل عام و أنتوا بخير ..!
و تقبل الله صيامكم و صلاتكم و زكاتكم ..!
: )
و
Ramdan Will Miss you Grand Ma
Honestly, I Missed you More
::
::
باركولي خذت لي تلفزيون يديد ..
“يوم الثلاثاء بيركبونه” ..
و ريسيفر يديد ..
و عطوني
Free DVD
My Mum
قالت خذي يوم بنتحول بيتنا اليديد ..
OMG .. ما تدري أبى أشوف براطم و خشم شيماء علي عدل ..
P :
الصراحة شيء شاشات كبيرة حق
Plasma Screens
بس استخسرت اخذهن
باخذ الاكبر حق بيتي !
: $
خووو تفكيري مستقبلي بحت ..!
الغسالة عليه ..
و التلفزيون علي ..
الثلاجة عليه ..
و المكينة علي ..
الدعوة علي..
و البنتلي عليه..!!
P :
بذمتكم ما أنفع زوجة ؟!
::
خلاص باي ..!
سبتمبر 9, 2007 at 6:03 م
3leeNh O 3leCh ‘3naaTy
a7la yoMen 3ndy brm’9an awal yom O a’7erh Klh 7maaS :D
allah thkrteeny bl Hrees a9dgen mn mta fy ‘7a6ry :( m3leh b6l3 el7rh s7ory o f6ory hrees :D
a7la shy elbntly ekeke
3li elksh’7h O 3leh el Bugati :D
سبتمبر 10, 2007 at 1:33 ص
خاشوقة عرفتها يعني معلقة
و رنجينا مو هذا الحلو اللي يسوونه من الرطب ؟!
الله الله الله على رمضان ودي فيه عدل
بس كلش ما ودي اجوف رقعة ويه شيماء علي اعوذ بالله من غضب الله , شفتي اشلون نيو لوكها اليديد صاير , شيء مبكي حقيقتن
و على قولة اخواننا المصريين
رمضان جانا و فرحنا بو بعد غيابوا اهلا رمضان رمضان جاااااانا
شكرا دبي على البوست
اي جذي خلج اب ديتد p:
>>> ادي ان كل انسان عنده ظروف بس لازم نتسيخف شوي و لازم تستحملينه p:
سبتمبر 10, 2007 at 2:15 ص
مبروك عليج رمضان يا دبي والله يعينج على صيامه
ربي يتقبل مننا جميعا
حبيت امر واسلم
سعود ^_^
سبتمبر 10, 2007 at 4:20 ص
مرحبا دبي
قريت البوست وانا اصارع مع لون الخط ما قدرت اكمل عورني عيوني
بس قدرت اقرا اللون الاحمر و عدت على خير
الله يخليج غيري اللون ودي اقرى لج
اسمحيلي بس بدى موسم الطلابات خخخخخخخخخخخ
سبتمبر 10, 2007 at 10:37 ص
sam7eeni dubai
min ziman ma mreet ihni bs wallah ildirasah 7adha sha’3latni,
allah yir7am jaditich wi i’3ammid ro7ha iljannah,
mabroooooooooook 3la il TV iljideed:)
akthar shy 3ajabni mum:))
ma ansi7ich itshofen bra6im shaima 3li wala ‘7ashimha wla ‘7dood a7lam 7asan
wi tra ana mo mas2olah itha la3t chbdich :)
min al7een agolich.
3la fikra mosalsal ilfreej na6reenah 3la a7ar min iljamr,
ana sawwit ishtrak dish 3arabi ma’79o9 3shanah wallah:)
sij ibda3 mashalah
سبتمبر 10, 2007 at 10:38 ص
ee mbarak 3leech ilshahar:)
سبتمبر 10, 2007 at 1:41 م
بنت جميرا
علي الدعوة .. و عليج الرقص عيل خخخخ ..!!
والله لو الدنيا كل أيامها رمضان كان نحن بخير : ) !!
تسلمين يا الحب .. : )
سبتمبر 10, 2007 at 1:54 م
بحرينية
مب معلقة .. ملعقة خخخ .. صح .. من الرطب .. تسوونه ؟ ..طرشولنا : ( !!
عاد هاي مرفوع عنها القلم خخخ .. اللي بتكون فاكهة رمضان ..باسمة حمادة ..استخفت الحرمة !!
ترى شوفي يوم اشوفين مودي زفت يعني متضاربة ويا حد .. و ما ارمسهم .. ف ما ابوست خخخ ..!!
وجودج مميز : )
سبتمبر 10, 2007 at 1:55 م
سعود
من طيب أصلك أخوي .. و مبارك عليك الشهر : ) و عساك من عايدينه يا رب ..!!
وجودك يسعدني : )
سبتمبر 10, 2007 at 1:57 م
بنت الاجاويد
خخخخخ .. السموحة .. مرة ثانية لبسي نظارتج .. !! : )
ملاحظة سأتداركها في المرات القادمة ان شاء الله .. شكرا الغالية !
سبتمبر 10, 2007 at 2:01 م
أحلى سالفة عجيبة
Dktora ,, MaSmo7a bel 7ail,, ilKel Lahy eb Mshaa’3lh,,baSs aKeed La 7a9lti Free time baDsheen 3Dna : )
LOOOL,,Hai walla LaiSh nf5t 5doodha Madree,,Gabel a7la o Heya Salag
Laken Ma Swet feehm 5air Nancy 3ajreM LOOL
Zain aSwen 3la Mwsm ilYay Galy ba5leech Tkonen Om RaShood 3aD ShofeeNy : P
allaH ybaarK Feech 3zeezty,, o Tqbaalah 6a3tkm o Qyamkm o 9laaTKM Moqdmn inShalla
o Leha W7sha ilKuwait : )
سبتمبر 10, 2007 at 2:28 م
بعد غياب طويل مستر بلاليط يعود بحلته الجديدة في رمضان اشتر ملة بلاليط و خذ ملة نخي او باجيلا فري
او خذ رقاق و ميشاوه بالجبن فري
حلو عرضي
دبي
شحالج عساج بخير
اهم شي الريل يبي شي واحد تعرفين تطبخين و لا لا
و لج اللي تبينه من برج العرب ليييييييييييييييييييين شعبية كرتون و كله لج بيكتبه باسمج اهم شي عندنا بطنا اقرب شي للوصل الى الرجل بطنه يعني لازم تطبخين الفوتشيني و الباستا على اصوله راح زمن العيوش و صالونة الدياي
كل عام ونتي بصحة و سلامة
و كل عام امج و ابوج و هلج بخير
يا ربي يعوده علينا و عليكم كل سنه و كل حووووووووووول
سبتمبر 10, 2007 at 4:58 م
أفضل خبز وقافي و مشاوه شوي و ترس جبن .. P : و كوب كرك ..!
أحلى عرض بس لا تنسى البارد خخخ ..!
طيبة طاب حالك .. شحالك أنته؟
لا ما أعرف أطبخ .. يا ليت يطلع يحب الموالح .. ترى ما أنفع في الحلو .. و يا ليت ما يطلع بو بطن ..!! خخخخخ
يكفيني برج العرب ..شعبية كرتون متنازلة لك “كريمة خخخخ” ..!
بنسويله باستا و كل ما لذ و طاب .. يمدحون “التجارب” و كتب الطبخ و “مرض التسمم” و رقدة المستشفيات !!
تسلم الشيخ .. و عامكم أسعد .. و يحفظك و يحفظ هلك من الشر : ) !
سبتمبر 10, 2007 at 8:13 م
هههههههههههههههه
ميمي..
أقول شو خليتي للريال جهزيتيه من فوقه لتحته أخاف هو العروس..
;)
الله يرحمها يدتنا ويجعل مثواها الجنة ..أكيد إذا غاب بركة البيت الشهر الفضيل والعيد ماله طعم ..
كل عام وإنت بخير وجعلك الله من الفائزين في الشهر الفضيل
:)
سبتمبر 10, 2007 at 8:22 م
كل عام وانتم بخير
سبتمبر 10, 2007 at 10:43 م
و أنت بخير يا فتاة ..
شفتي كيف أحب الايثار؟ خخخخ
شكرا على الدعوة الطيبة !
سبتمبر 10, 2007 at 10:44 م
و أنت بخير يا وتر ..حياك الله : )
سبتمبر 11, 2007 at 5:44 ص
مرحبا دبي
تدرين المشكلة اني لابسة نظارتي بس اللون
شكلج مسوتنها لعانة في حد الله يستر بس من سواياج خخخخخخخخخخ
وعلى طاري ذاك اليوم مسامحتنج خلاص بس لا تردين وتسكرين في ويوه الخلق مرة ثانية
هههههههههههههههههههههههههههههههههههههه
يالله كل عام وانتي بخير
سبتمبر 11, 2007 at 4:55 م
خخخخخ لا والله حرام عليك ..أنا مب نذلة وايد ..خفيفون خخخخ …!
حياك الله !
سبتمبر 12, 2007 at 10:07 ص
مبارك عليج الشهر
صورة فريج في البوست القبلي من أي موقع يبتيها؟ أريد أشوف الصور !!
سبتمبر 12, 2007 at 1:19 م
مبارك عليكم الشهر
والله يعوده علينا يارب هالسنة وكل سنة ويبلغنا صيامه ان شاءالله باذن واحد احد
سبتمبر 12, 2007 at 4:21 م
وإذا ماشفت ولا شي من إلي ذكرتيه :( !!
وعلى طاري الرنجينا .. الصبر زين ترا .. أهم شي إنج إتحسين بالفقارا إلي مايحصلون كل اللي يبونه D: !
ومبروك عليكم الشهر :)
سبتمبر 12, 2007 at 4:56 م
MeMe
الله يبارك فيك عزيزتي ..
من الايميل والله : )
سبتمبر 12, 2007 at 4:56 م
يا رب يا قاسي . . و مبارك عليك . . !
سبتمبر 12, 2007 at 4:58 م
اذا ما شفت يا مدير .. ف أتمنى تسير لأقرب دكتور يفحص عيونك خخخخخ ..
لو طالبه غوزي كان وصلي خخخخ ..!
الله يبارك فيك .. : )
سبتمبر 12, 2007 at 10:44 م
مبارك عليج الشهر دبي :)
والله يعوده علينا بالصحة والعافية
سبتمبر 13, 2007 at 6:44 ص
الله يبارك فيج يا أمل .. آمين يارب ..! : )