هو لو مب “كفو” الزواج جي عرست؟
و لا جي “عرستي” ؟
عاد عرست أكثر من عرستي ..
لأن الحريم أغلبهن محافظات على بيوتهن ..
و يخافن ربهم و محد أوفى منهن “يوم يعرسن”
لكن الريال؟
“أخ” منه دومه “نذل” أقصد “خفيف”
ما يصدق اشارة الا لعن ابليس بس
يوم يطيح الفاس على الراس !
أنا دوم كان تفكيري وردي عن المعرسين ..
ان “خسي” يطالع حرمة غيرها و يبصبص ..
و ان “خسي” يسوي شيء غلط ..
خلاص معرس يعني علاقة لازم يقدسها تقديس لا صار و لا استوى !
و لا سمعت سالفة عن المعرسين ..
شهقت شهقة شو كبرها و قلت واااااااااااااي معرس كيف يسوي جي؟!
يقولون لي شو يعني معرس !!!
عادي ..
كيف عادي؟!
كيف يسوون بلاوي أكثر من اللي مب مرتبط؟!
من داومت عرفت ..!
عرفت أن المعرس ..
Sorry to say that But I Should
يستاهلون ” تفلة ” من أعماق البطن ..
مواقف وايد صادفتني ..
كنت حابة مب ” أتفل ”
بس الا ” أطيح بوكسات ” فيها ..
و لو بيدي دقيت على أم عيالهم و فتنت ..!
مب بعد بتيلفون الشارع لا من رقمي ..
عسب “الحمير” الله يعزكم يتأدبون ” أخ “
شو خلوا حق العزاب؟!
بتقولون عني معقدة ..
قولوا بس ترى أنا في كل شيء أحط خط أحمر
حتى لو السالفة تكون تافهة !
أحب الواحد يحترم الشيء اللي أحترمه
و لا يزيد وايد في ميانته ..
ترى بعدين أشكرا ويهي ينتحس
و ما أسوي سالفة و لا أعرف أجامل !
و أعطي كاش في الويه
: )
واحد الله يستر عليه كنت أشوفه
COOL
ويا الكل ..
بالتحديد الجنس الناعم
و راقد رقاد في المكتب ..
يعني ما يرد البيت وايد
و حركات طفولية عليه ..
مادري ايميل رسمي يحول
Chatting
بداعي انه يبين صاحبنا انه ظريف و يتعامل مع الناس ببساطة !
و أحيانا بدون مهمة رسمية تستوي سوالف عبيطة ..
الين ما أكتشفنا انه معرس !
واااااااااااااااااااااااي كان شوي بيطيح من عيني ..
لكن يوم دريت انه مرتبط بعد مول طاح طاح
عاد الله وكيلكم تبوني أسكت؟
قلت حق زميلتي .. بتكافخ وياه؟ ..
مالي خص؟
يمكن نحن نحقره
لكن شيء بنات عادي عندهن ..
أنا ما أعرف حرمته بس تغمضت!!
و ما أتخيل ريلي جي يسوي من وراي
تقولي طنشيه !!
أقولها لا لا !!
شجاعة عنتر يتني
قلت بتوايه وياه بعد سلمت ..
و هو رحب بشكل مب مصدق
و بسمته شاقه تقاسيم ويهة
” اضحك يعلك السم ألحين بتعرف عدل كيف تبتسم ” !
قلت له أنت معرس؟
استوي ويهة جي
Confused
قال هي ..!
قلت عيل بطل حركاتك !!
قال أنا علاقتي بحرمتي جدا
PURE
“قوي عين لا؟”
و ما أقول أنتوا العكس بس المسألة عادية ..
و لو لاحظتوا علي شيء
خلاص مالي كلام وياكم !
أنا أحب الابيض أو الاسود
ما عندي رمادي ..
قلت “يكون أحسن” !
و من ذاك اليوم طاف ..
: )
متسنع و مستوي ريال !
على الاقل من صوبنا
مع الايام تعاملت ويا واحد يشابه اسم العايلة
و الحركات نفسها و لا معرس بعد طلع ” أخوه “
استغفر الله هاي العايلة بكبرها جي ..!
من جو العمل ينتقلون للضحك
و اطيح الميانة ..
مع أنهم في أقسام ثانية ..
صدق صدق صدق “ميانين”
اللي يناسبون هالاشكال ..!
و محد يسوي هالحركات غير “الخسوف”
ألعن ابو الثقة بس !!
نوفمبر 5, 2007 at 5:06 م
بل بل بل
أعصابج خيستي الشاشة ..
:)
حبيبتي وما خفي أعظم..
هذي بالنسبة لهم أخف درجات الخيانة ..
للأسف ما طلعوا من بيوت تعلمهم إنه الزوجة غالية ..
طلعوا من بيوت تقول لهم وتطبطب عليهم مما عليه هو ريال يوم يكبر بيعقل وكبر الحليو وبعده ما عقل ..
وبعدين يطلع الموال الثاني يوم يعرس بيعقل ..
وبعده على سواياه لا عقل ولا هم يحزنون ..
لأنه حاط في باله الريال شايل عيبه
نوفمبر 5, 2007 at 10:50 م
أول شئ أبي ترجمه لكلمة (الخسوف)
وكلمة ( جي ) ومتى تستعمل
أما بالنسبه لموضوعك … زين ماتسوين
ومفروض إن أي بنت محترمه ماتسمح لأي شخص غريب عنها … إنه يتمادى بالمزح أو باسلام الزايد أو بالتهاني
وموقفك كان زين … بس فيك قواة عين .. وشلون قدرتي تقولين له؟؟
طلع العرق المصري؟؟ :)
وعفيه عليك
نوفمبر 6, 2007 at 1:56 ص
مغريات الدنيا ما تفرق بين عزابي ومتزوج
http://m3anq.spaces.live.com
نوفمبر 6, 2007 at 8:49 ص
يعني انا يوم بتزوج بستوي نذل؟
والله لأخلي حرمتي تاج على راسي و بذكرج دبي هالكلام يوم بتزوج
بس مب يعني بستوي خاتم في أديها
الحرمه لها حق عليه و انا لي حق عليها
مب كل الرياييل مثل بعض.
نوفمبر 6, 2007 at 12:56 م
بسم الله الرحمن الرحيم
والصلاة والسلام على اشرف الخلق والمرسلين، سيدنا محمد الصادق الامين!!؟
وبعد،،،
صراحة دبي انا عيبني انفعالج هذا صراحة وردة فعلج ..وانا …سالم الامارات …وبالنيابة عن معشر الذكوووور …اخول نفسي لمواجهة دبي في الموضوع الذي كتبتيه !!؟ وذلك لرد اعتبار جنس الذكور …وتوضيح بعض المفاهيم والاشاعات المغلوطة !!؟
بس بم انني في الدوام حاليا …والشغل متراكم علي الان …ساطبع موضوعج واقراه بتمعن وتركيييز وسارد عليك الرد المناسب وذلك حفاظا لماء وجه الذكور ورد اعتبارهم …ذلك الاعتبار الذي مرمرتييييييه ودمرتييييه وما خليتيه يسوى بيييزه….؟ لول
والمثل يقووول ما الك الا هايفااا …الشباب اليوم بيقولون ما الك الا سلووووم …؟ لوووووووول
عاد انا مستانس شايفج منفعلة ومعصبه …اسميني بعصبج اكثر لول
انتظروني قريبا
نوفمبر 6, 2007 at 2:45 م
اصابع يدك مو سوا
تلقين فيها الزين والشين
وصح هالايام ملاحظه هالشي انتشروا المتزوجين واللي عليهم حركات
بس مو يعني نعمم عالكل
عالعموم هو اهم شي انك طلعتي اللي بخاطرك
نوفمبر 6, 2007 at 3:35 م
و العثرة تعثر العدو يا دبي
اتخيل الحين كل الرياييل ماسكين خواصرهم
شكلي علمتج اشقايل تنغزين في الخلق و تحرقين ويوههم
طبعا لكل حالة شواذ
و مب كل الرياييل واحد
بس جد في رياييل ما يستحون على ويههم ما يحترمون نفسهم ولا حريمهم الي متحملات سخافاتهم و ثقل دمهم
انا الصراحة ما يعيبي الريال الخفيف الي ما يفج حلجه و يبتسم الا اذا كلمته بنت
عيب والله ترى كبرنا على هالسوالف،،،،اليهال احسهم اثقل من الكبار
بلاكم يا جماعة الخير اركدوا واثقلوا ترى ما شي احسن من الثقل
ترى هالكلام ينقال بعد للبنات بس انا اوجهه للجنس الخشن تحديدا
تماشيا مع الموضوع
الخلاصة يا دبي
البنت الثقيلة و الريال الثقيل الي يوزن تصرفاته سواء معرس والا مطلق و الا حتى عازب يعجبني ويكبر في نظري و احترمه و من كثر احترامي له يخليني احاسب مليون مرة قبل لا اتكلم
عيبتني دبي وكثري من النغزات يا قلبي
ترى حلاة النغزة اذا يت في الخاصرة ^_^
دمتي بود
نوفمبر 6, 2007 at 8:51 م
ابصراحة تسلم ايدج على هالكلام … والريال اللي عنده دم بيتسحي على ويه وبيجابل حرمته ام عياله اللي هي وحليلها مب حاسة باللي يسويه …
واللي يقهر انه في ريايل طبعا لما يكونو في الدوام مع البنات …الحلج ما يتسكر تقول مشتركين بدعاية كرست للاسنان اما اول ما يدخلون باب البيت اتقول حد مخيط حلوجهم ومادين ذاك البوز ومعصبين وتعبانين ومالهم خاطر يتكلمون آآآآآآآآآآآآآآآآخ منهم يقهروون
بس عندي ملوحظة لان في بنات بعد اتقولين لزقة ما يحلا في عيونها الا الريال المعرس ..:(
نوفمبر 6, 2007 at 11:05 م
الموضوع مايستاهل كثر هل اهتمام منج !!!
<<<<<<<<<<<<<<<<<<<<<<<<
نوفمبر 6, 2007 at 11:23 م
ايواااااااااا دبي ايواااااا
بس بعد بقولج اصابع اليد مب سيده واكيد في منهم الشين وفي منهم الزين
في حد محترم ومحشم شريكته وفي حد لاااا
بس بعد اقولج ان بعد في بنات نفس الشي..
والسموحة الغالية
نوفمبر 7, 2007 at 12:21 ص
لفت نظري موضوعك أو لنقل ” ركلاتك ولكماتك للمعرسين
اعترف إني واجهت صعوبة كثيرة في فهم الكثير من الألفاظ ، لكن الموضوع بجد كان جميل .
كلما قرأت سطر ، جاء على بالي برنامج ” كلام نواعم ” الذي يعرض على الـ MBC .
لكن لنعترف ، صحيح أن الشاب في عيب ولنقل صايع مثلاً ، لكن لماذ رضيت هي أن تتزوج بشخص مثاه ، الكثير منهن نظرت إلى وضعه المادي ، وإلى السيارة أو الفيلا ، أو …. وسامته في الكثير من الأحيان .
كل ذلك مرجعه الطمع منها ، لذلك فلتتحمل نتيجة اختيارها ، …
معظم الشباب يجيدون الكلام الحلو ، الصالح منهم والطالح ، وليس ذلك مقياساً لهم . ربما لو تمهلت في اختياره ، و تيقنت من صلاحه وتقواه ، لكن الأمر مختلف تماماً .
ربما جاء ردي غير عادل بعض الشئ ، لكن سامحيني ، فأنت كنت غير عادلة في حكمك على المعرسين.
في آمان الله
رادار
نوفمبر 7, 2007 at 7:23 ص
لووووووول يادبووووي يالدبة
وحشتني سواليفج المستعبطة الي مادري من وين تجيبينها
لا بس وايد عجبني مصطلح
يستاهلون ” تفلة ” من أعماق البطن
ههههه ضحكتيني واهي الساعة 6 الصبح جعل يومج كله ضحك ان شاءالله
بصراحة مادري انا شنو قصدج بتعامله وياج بس انا احس ان عادي مب معناته اذا الواحد كلم حرمة غير حرمته او مزح وياها وضحك معناته انه يخون زوجته او يخونها ومايحبها
في بعض الحريم في نظري ثقتهم في ازواجهم بيور على قولته ويمكن هم الي معودين ازواجهم على هالشي
ماتدرين يمكن اذا رجع من دوامه يقول اني والله اليوم دبي قالت لي كيت وكيت وكيت وقلت لها كذا وكذا وكذا
البيوت اسرار ياختي
وانتي تعالي ليش قاهرة عمرج
هههههههه الله يعين زوجج عليج
اذا تزوجتي حكريييييه ومشيه على كفيج محد بيقول لج لا :D
بس الله يعين يطلع لعين ولعّاب وتصيدينه
الله يستر مابي افكر شبيصير حتى لو مجرد تفكير
وحشتينا وايد وسمحي لي على انا قطعناج
نوفمبر 7, 2007 at 8:04 ص
فتاتو
اسمحيلي اللي خبرتيني عنه في الايميل ما سويته “نسيت” خخخ بسويه ان شاء الله
هي صدقج ترى محد فاهمني غيرج
لابد من الرجل أن يقدر هذه القارورة لا أن يكسرها : )
نوفمبر 7, 2007 at 8:08 ص
ابراهيم
والله يا ابراهيم أنت الوحيد من شباب المدونين فاهمني
الباقيين لابقين لبقة عسب هم من معشر الرجال بس
الواحد وده يكتب عن حركاتهم .. بس في الاخير هاي مدونة لو أن لها مساحة كبيرة من الحرية
لكن ما بقدر أفصفص في الموضوع : )
نجي حق المصطلحات خخخخ
جي= يعني ليش؟ لماذا؟
الخسوف= جمع خسف ..قبيح خخخخ
وصلت الفكرة يا أخوي؟
نوفمبر 7, 2007 at 8:10 ص
السلام عليكم
دبي نزلتي وايد عن مستواج الصراحه
موضوعج جدا ضعيف و نفس الوقت سفيه عندج فشة خلق بس كتبي الحلول كتبي الاسباب
اذا الريال نذل عيل الحريم شووه ؟؟ انذل من الريال بملايين المرات و لكن ماخفي اعظم
شي بنات يبوون راعي الخبره المتزوج بس الحمدالله عزة نفسي اكبر من اني اتعرف عليهن
غلطانه غلطانه بكلامج
و محد يسوي هالحركات غير “الخسوف”
ألعن ابو الثقة بس !!
هذا اقل مستوى ماقراته في اي مدونة من مدونات الاخوان
ارتقي شوي
صح بتقولين لي اذا ماعيبك كتابتي لا لا ترد او تحدر علي بس انا بقولج من حقي ارد على اي فئة تحاول ان تشوه سمعة الرجال
الناس اجناس و الله خلق و فرق
نوفمبر 7, 2007 at 8:22 ص
معانق
أولا حياك أخوي في مدونتي المتواضعة ..شرفتنا
صحيح .. بس المتزوج لو مغريات جهنم يشوفها أكيد حلاله بيسده : )
شكرا على التواجد !
نوفمبر 7, 2007 at 8:25 ص
الساحر
شيخي مب هالقصد ..و صحيح الاصابع ما تتساوى
لكن الحال عندنا وصل للمستوى وايد ملاحظينه
ان قلة اللي يحترمون قدسية الزواج
يعني قلة محترمين عمارهم و بيتهم
و القلة و لا شيء بالنسبة حق الطفرة اللي نحن نشهدها : )
حياك يا بن خالي ..مشرفنا والله : )
نوفمبر 7, 2007 at 8:29 ص
سالم الامارات
“خسلات العدو”
أسميك ضحكتني في الصباح الباكر خخخخخخخ
ماشاء الله أسلمت ..من قريت أول سطر ..قلت لا اله الا الله و لا خطبة الجمعة خخخخ
بس ماخذنها المسألة عسب انها رجال و نساء ؟
سالم المسألة خذها بشكل حيادي يطولي بعمرك !
نوفمبر 7, 2007 at 8:30 ص
يا قلبي ابتسم
أيوا يا أختي ..عارفين ان الاصابع مب سوى
لكن لو تمينا نقول لكل مسألة الاصابع مب سوى
كان حللنا وايد أشياء : )
نوفمبر 7, 2007 at 8:32 ص
هي عليج نور يا أحلى نور يا بنت الايواد : )
نوفمبر 7, 2007 at 8:35 ص
شوكولاته
خخخخخخ ضحكتيني والله ..أونة دعاية كرست
صحيح .. كثيرة حالات الانتحاس في البيت و الفرفشة برع البيت
لا و يقولون نعطي الحقوق لحريمنا
و علاقتنا بيور !!
شرفتينا يا أختي !!
نوفمبر 7, 2007 at 8:40 ص
فجورة
حلوة هاي مب سيده ..أكيد الغالية
بس مثل ما قلت قبل شوي .. ان مب على كل موقف بنقول ما هي سوى
لان في الاخير بنحلل كل شيء !
البنات لهم بوست غير بعد
و عشتي يا فجر : )
نوفمبر 7, 2007 at 8:49 ص
لاتحاولين انتي خليتي فيها حيادية !!!؟
تفلة من اعماااق البطن !!؟ شو انتي بطنج محييييييييط!!؟ لول
وبعدين اتقولين ان تفكيرج كان وردي عن المعرسين؟ شو وردي واصفر !!؟ فاتحين حصة تربية فنية !؟
على حظج انا بعدني بيزي والله …لكن الرد موجود في بالي والانتقام لمعشر الذكوووور سيكون قاسيا ومؤلما وعنيفا ومفتكا وشلشبييييلا !!؟ (ااخر وحده ماعرف معناها) لول
ستكون عبرة لمن لا يعتبر من معشر الاناث لكي تكوني عبرة لمن لا يعتبر …وساجعل كل فتاه ترى رجلا يمشي امامها ستقووول له نعم عمي !!؟
انتظرووني قريبا
نوفمبر 7, 2007 at 9:23 ص
بو فاطمة
هالمرة مب ماسحة ردك : )
السفاهة و الانحطاط و الكلام الواطي و كل اللي قلته
ما يدل على موضوعي ..يدل على أول مشاركة كانت لك في مدونتي المتواضعة في موضوع سابق
ف أحب أقولك عدل شو الفرق بينا من ناحية المستوى !
و لعلمك ويمكن تعرف عدل و يمكن ناسي
أني كاتبة الموضوع بشكل بسيط و يبين انه مخفي عنه الكثير الكثير الكثير من الامور
حميتك على معشر جنسك ما يخليك تعبر بطريقتك هاي
لازم تكون نظرتك واقعيه أكثر
هاي مشكلات واجهتنا..حلولها مب أنا أخليها لأني أنا مب دكتورة فوزية الدريع : )
و لا أنا مكلفة أعقل البهايم اللي لا محترمين عمارهم و لا أهلهم : )
على الاقل أحترم عمري و أحترم المكان اللي أنا فيه بكلمة باشارة حق الطرف الثاني !
و من حقي أعبر بأي طريقة أريدها
نزلت عن المستوى و لا ترفعت عنه و لا بين الحبلين
ما أنتظر رد يقيم شخصي
^_^
أنتظر رد يعبر بشكل أكثر لائق
و لا لأنك ضيف مب محاسب .. الا محاسب بينك و بين ربك بعد !
^_^
!!!
نوفمبر 7, 2007 at 9:25 ص
LOOOOOOOOOOOOOOOOOOOOOOOOOOOOOOL
الله يخس بليسك يا سالم
لا تروعت أنا تروعت :@
نوفمبر 7, 2007 at 9:35 ص
أنا خلوهم يزوجوني والله ما بسوي شي ^-^ بكون برئ ومؤدب جدا
بس صدق وراء السواهي دواهي
نوفمبر 7, 2007 at 10:35 ص
الله الله يا عابر خخخخ
ألحين ما عرفنا .. بتكون أوكي و لا مش أوكي؟
تقول ياما تحت السواهي دواهي !!!!
نوفمبر 7, 2007 at 10:41 ص
دبي انا كنت بحاربج اول شي
بس بعد ما شفت رد بو فطااامي
قررت اني اوقف وياج
نفس المثل الي يقول انا واخوي على ولد عمي وانا وولد عمب عالغرييب !!؟ لووول
صراحة الرياااييييل قليليييين ادب وماااصخيييين وسخيييفين ومزاااحهم ثجيييييييل وماعندهم سالفة ودمهم اسود وفوق هذا بعد خسفييييين !!؟
اتحصليين الوااحد حيياااته (حواجبه) تاارسه نص يبهته وساير يرقم ولا ينكت !!؟ سير حف حيااتك الاول !!؟
ولا واحد من ترمسه وحده بطل حلجه مادري مستانس جنه انجيلا روبرت جدامه !!؟ وظروسه تظهر جنه مسوي دعايت كريست !!؟ ولا سجنال 2 ..انتي شو اتحبين !!؟
انا احب سنسوداين لول
لكن بعد مصر سانتقم شر انتقام !!؟ لووووووول
سؤال هل الرجل قليل الادب هو ابوبكر عمر علي عثمان !!؟ وشو رايه في السالفه هاي كلها !!؟ ممكن نعرف !؟ لوووول
نوفمبر 7, 2007 at 12:13 م
الله يعينج يا دبي..
:)
نوفمبر 7, 2007 at 12:34 م
شكرا على اكرام الضيف
شكرا على ردك
ردك هذا رجعني ل دبي الاولية اللي نعرفها
الرجل و المراة
مكملان لبعضهما
مثل مايقول المثل فيه الزين و الشين و الصالح و الطالح
يالله برحتك و بحسن الخاتمة يا رب
لنجعل قدوتنا سيد الخلق نبينا محمد عليه افضل الصلاة و التسلم و على ال بيته الاطهار و يكونون قدوتنا الحسن و الحسين سيدا شباب الجنة
و النساء تكون قدوتهم فاطمة الزهراء
عليها السلام
دبي انتي اخت فاضله ارجوا تقبل إعتذاري
نوفمبر 7, 2007 at 1:08 م
سالم
شكلك اليوم فاضي مب بزي ..عسب تعرف كيف الريايل
هذا مثال موجود بينا
موضوعي جدا بسيط .. لكن تحول الى كلام عيب ينقال من البعض
على العموم وجهة نظره تعبر عن شخصه
^_^
بس دامك وقفت وياي بدافع الاخوة ..أنا أقولك بارك الله فيك و كثر الله من أمثالك
أسمي يوم أستوي جدية مب شيء !! لوووول
نوفمبر 7, 2007 at 1:10 م
و يعين الجميع يا فتاتو : )
نوفمبر 7, 2007 at 1:12 م
قبلته يا بو فاطمة لأن الاسماء اللي ذكرتها كلها
في قلبي و عقلي و دمي و على راسي : )
نوفمبر 7, 2007 at 1:35 م
صراحة دبي انتي كلش مو شي يوم اتكونين جدية
بليييز ممكن اتردين تقريم ردي السابق واتلردين عليه عدل عشاني مب معترف بردج هذا لو سمحتي !!؟ لول
ةالانتقام بعده قائم !؟ لول
نوفمبر 7, 2007 at 2:35 م
واضح جدا أنك كتبت كلامك في لحظة غضب وانفعال لذلك هناك تجني واضح على الرجال..
صحيح أن هناك رجال (يلعبون بذيلهم) و بالمقابل هناك نساء أكثر يحبون اللعب مع هذا الذيل.. بل يفضلنه على الرجل الي ما عنده ذيل.. و الأمثلة و الحالات على هذه كثيرة في المؤسسات والوزارات الحكومية..
هذه واحدة من مائة سلبية من جراء الاختلاط في العمل.. و أعتقد ان الفصل سحيل جزء كبير من هذه المشكلة..
و يا زين الحرمة لو تقعد في بيتها و تربي عيالها!
نوفمبر 7, 2007 at 4:15 م
Salem o Ent Momkn Ma Tnge3 LOL 3eyzt o aNa a7rer ef Radek .. Gelna Met7mSs .. baSs Typ 3aDel : P
نوفمبر 7, 2007 at 4:15 م
Sorry I deleted Kamn Rad ^_^ حتى نرتقي شوي !
نوفمبر 7, 2007 at 4:20 م
رجل
أحترم وجهة نظرك .. و لربما أتفق في بعض ما طرحته
ما أسعدني تواجدك من أجل الدفاع عن الرجل
بس أنا مب محرجة و لا كنت منفعلة يوم كتبت هالبوست
لأن من الاساس السالفة كانت من قبل شهر .. و ألحين طرحت الموضوع
يعني خفت الحدة عندي.. الشيء الاهم ان ما يفسر كتابتي على اساس النقد بس و التجريح في الرجل
: )
ترى في الاخير الرجل عنصر مهم في الحياة مثل الماء !
شرفتنا !
نوفمبر 7, 2007 at 6:42 م
واضح انك مقهوره وانتي تكتبين لكن ماتنلامين
على كرهي للمغازل لكن أكرهه أكثر لما أشوفه من رجال متزوج أو من حرمه متزوجه
يعني تبي تتعرف على بنات وتتونس ليش تتزوج وتظلم بنت الناس معاك
لا وبعضهم يقول زوجتي تعرف حركاتي ياشيخ روح هذي من ردات حظها وش بتسوي بتسكت وتخلي في قلبها لانها تبي تحافظ على بيتها وضاع البيت اللي رجاله كذا
عموما لو تكلمت عن هالموضوع ماراح انتهي
سلامي لك
نوفمبر 8, 2007 at 12:01 ص
دبي !!!!!!!!!!!!!؟
ممكن اعرف ليش مسحتي ردودي!!!؟
هذا قمع للحرية الشخصية وراي الرجال !!؟
صراحة زعلت منج
ويا ويلج مني ومن غضبي
نوفمبر 8, 2007 at 12:09 ص
وبما ان هذه المدونة لا يوجد بها احتراام للراي الغام قررت ان اقاطع هذه المدونه حالها حال المنتجات الامريكية !!!؟ لول
الودااع يا دبي الوداااااع
حتى دبي احين ما بدشها منج
واذا دشيتها بتم مغمض عيوني
الوداااع فووووور ايييييفر مااااي جووووود فريييند
!_!
سالم الحزين
نوفمبر 8, 2007 at 4:03 م
الوعد
بردتي خاطري يا أختي : )
نوفمبر 8, 2007 at 4:05 م
سلوم
عن الدلع .. الموضوع أكبر من حذف .. الموضوع ما نبى ننجر الى تيار آخر
يشتت شملنا : )
خلوا النفس طيبة ..و لا شو رايك؟
صح غلط علية و مب أول مرة .. بس طاح الحطب
و أنت أكبر من جي يا ولد بوظبي و لا شو رايك؟
نوفمبر 10, 2007 at 1:15 ص
الحين انا متفيج وسهران وبرد !!؟؟
انا ابي افهم اذا الواحد متزوج شوووو فييه جرب لا سمح الله ولا مرض خبيث !!؟\\
منو قال ان المتزوج محرم عليه اته يضحك او يسولف سواء كان في نطاق العمل وغيره !!؟\
المساله مالها علاقة بمتزوج او لا !!؟ كوني متزوج مايمنع اني اضحك واتكلم مع زملائي وزميلاتي بالعمل طالما انه مايتخطى حدود الادب والزماله !!؟\
والريااال شو ما كان متزوج ام اعزب يحط حدوده حسب الشخص الي جدامه !!؟ اذا البنية عقت الحيا ومشت مع المصخرة الزايدة والضحك فالعيب فيها هي مب فالرجل ومثل مايقولون الريال مايعيبه شي
اذا انا متزوج واحب زوجتي وحافظنها وقايم فيها وفي بيتها واولادها لكني انكلم مع زميلتي في العمل بحدود العمل الي احيانا البعض منا يجابلهم اكثر من اهل بيته خصوصا اذا كان يدرس عقب الدوام او عنده بيزنس ….ما يمنع ان ممكن اتكون في دعابة احيانا او مواقف او ضحك ما تتعدى حدود الادب وهذه شي يصير فالدوا … ليش انتي ماتستوي وياج دبي فالعمل !!؟ نووو ويييي
نحن جفنا في نطاق العمل صدقيني الريال ما يتعدى حدوده مع بنية الا اذا هي بينت اشياء اتبين ان عادي عندها اتسولف وتضحك
واكييييد الكثير من الريلييييل مايصدقون طبعا خصوصا لو كانت حلوة
بس المساله مالها علاقة بمتزوج او لا !!؟ هذا له علاقة بالاختلاط وبالتالي الملامة تقع عالنساء مثل ما تقع عالرجااال
يامي جفنا مواقف البنات هم الي يتحرشون بالريااااال في العمل ّّ؟ خلوني ساكت عن اطلع بلاوي لول
وسوري عالاطاله دبي بس صج تووني تفيجت
سلام
نوفمبر 16, 2007 at 1:57 ص
هذي رياييل هالزمن المشكله مافي احترام وخصوصاً في محيط الشغل
كثر ما الوحده تحترم نفسها وتكلمهم بحدود ولكن اهمه صراحه ما يخافون ربهم
لا يقولون هذي البنت مثل بنتنه ولا أختنه ولا زميلة عمل
سواد ويه عيني عينك ومدري اش هالحاله
والله مريت بمواقف وايد وكل موقف اصيح فيه على اللي يسوونه فيني
سخافه من قلب والمشكله نفس المشكله اللي معرس معرس
واللي كبر ابوي ويدي .. هالكثر ما صارت عندهم غيره على بنات الناس
اوقات ريال مب معرس ولا مرتبط ومتحرم نفسه ازيد من اللي معرس وعنده
درزن يهال .. ياربي على قلة الحيا
تسلمين عزيزتي دبي على البوست
والله المستعان
نوفمبر 16, 2007 at 12:37 م
Salem
ya ryal Lo 3la ’67ek Bagol Ma3laiH, Fee Swaalf Menyla Ma Tnktb, Fhmt G9dy?
o eSm7li La e6le3 Bnee Jnsk MalaaaK : P
Lanhm Mib MalaaK : P
نوفمبر 16, 2007 at 12:43 م
صدقج والله يا ريحة العود
معرسين حق شو عيل؟
رزة جدام الناس
و مناك يلعبون لعبتهم
الله لا يبلينا بس
مشكورة الغالية على التواصل .. لا تقطعين عاد
ديسمبر 5, 2007 at 8:30 م
موضوع حساس يباله نذكر
أنا من رايي انهم أنواع:
نبدأ بالنوع الأول
اللي هو أصلن عينه زايغه وما يبا يودر هالسوالف حتى لو تزوج أحلى بنات العالم وكانت مب مقصره معاه هالشيىء يرجع لنفسية الريال وشخصيته. وبعد أكيد الشخص اللي تعود . على هالسوالف
يعني باختصار شخصيته تعودت على هالشيىء حتى لو تزوج 4 حريم بيقول هل من مزيد؟
طبعا هذا أخسهم
النوع الثاني
الاهو الريال اللي حرمته مقصره معاه فغصبن عنه عينه بتستوي رادارات على كل ناعم يمشي,, فهذا نخف عليه اشويه بس بعد يكون فيه ضعف وبعد ما اقدر ارحمه ذاك الزود ..
النوع الثالث
اللي هو مجرد تقضية وقت وتسليه
ممم هالنوع احسبه اناني ومنافق يعني هو اصلن مايبا يسوي هالحركات الطفوليه اسميها انا.. بس ينسى عمره ويبا يقضي وقت ومناك هو يحس عمره مب مسوي شيء ومقتنع بعد..
عالعموم هالكلام ما يباله اختلاف لانه ينطبق على نوعيه معينه من الرجال أكيـــــــــــد مب كلهم(:
ديسمبر 6, 2007 at 1:55 م
تقسيماتك يا بنت زايد عجبتني
و أثرت البوست .. الصراحة نظرتك صحيحة
: )
منورة الشيخة