يوم الأحد كملتها اجازة يعني الجمعة السبت الأحد
كان كله رقاد و طلعات
أونة عطوني اجازة من عقب المعرض !
الصراحة غيرت جو
و دلعت عمري
ما بين
Facial, body care and Manicure !
و سرت أودي أختي تتشرى حق الشاليه
اللي بنسيرله في الويكيند الياي
كان أطلع أنا بأربع أكياس من المول
: )
لزوم الكشخة داشين تحدي نحن البنات
الا نسويها عرض أزياء
لا يغركم عاد .. لا تعبت بضربها جلابية “بو تيلة”
: )
أسمع أختي تقول حق أمي
ماما كم بدلة أخذ وياي؟
قالت لها عشرة “بعصبية”
LOOL
متحمسين زيادة عن اللزوم
و الا هي ليلة و نص يوم !
و نحن في المحل
الحبايب الفلبن مشغلين أغاني و برع الله أكبر !
كان أمد البوز .. و أقولها ما تسمعين الآذان؟
Sorry Madam Sorry !
“مدام جتك نيلة” محد قاطع رزقي غير كلمة مدام !
: @
و مناك أصلا مب آذان
بس جي عناد فيهم
ديسكو داشين مب محل
:
الجو حده كان رهيب
مب مشمس .. جو الممزر جو البحر
ترددت
اذكرت الموتر مب مخفي
قلت في خاطري نرد البيت بكرامتنا !
وقفنا عند
M
و أنزل أختي عسب تطلب لنا
و بما أني مب مداومة يلست أجيك على ايميلاتي
أشوف بنت طالبة بعد من
M
و تبى تركب موترها
لمحت الحبيبة وراها سيارة من بوظبي
كان بالعمد تتأخر في مشيتها
و أنا أبحلق أتريا المشهد الثاني
أشوفها ترفع عباتها لين ركبها
و تركب الموتر
LOOL
خيبة هذا لأنه راعي بوظبي
لو راعي رأس الخيمة؟
و لا العين؟
LOOL
عاد الا و الكراعين بس !
: )
استغفرك يا رب
:
:
:
أمسات كنت سهرانة
With my mother
تضبط
My new curtains
و حاطين على فوزية الدريع
موضوع الحلقة أعتقد عن “القدرات الجنسية عند الريال”
: S
اللي يحاورها يكحل الموضوع
و هي تمصخ
هو يكحل
و هي تمصخ
المحاور يقول قريت من المصادر ان أبو هريرة و عبدالملك بن مروان فيهم الشسمه !
يا كثرهم اللي في التاريخ كانوا شسمه !
و أنا على كل كلمة “أبوسم” على قولة الاخوان الكوايتة
أمي تقولي “مستانسة وايد؟
أقولها شكووووو اهم ما يستحون
LOOL
عيل شهر كامل طايحتلنا قدرات ما قدرات
رفيتج أمي طفسة وايد !
P :
أقسم بالله متعقدة من شي
لا سرت مكان مدحوني
: $
و أخر المدح .. أمك لبنانية ؟
مصرية؟
قايلتنكم السالفة قبل
في الصالون أمسات بعد وحدة فلبينية أول ما شافتني
مطت خدودي
و قالت
Cute!
عاد أنا تشققت
كان تقولي
Your Origin, From UAE?
لا من موزمبيق !
: @
ترى اللي يبى يحلو .. يضعف
صح بيقولون أنتي شرى “الدياي و السيلانية”
بس ضعفوا
أنا كتبوا عني قصايد و بحور و أبيات
كل يوم ضعفت
LOOL
عاد أنا سرحت عقب ..
قالت لي عن قصة حياتها ويا ريايل
سوالف الريايل ليش بس يسولفون عنها في صوالين؟
S :
قالت لي على فكرة أنا أقرأ العيون
و الويه
قلت لها و الكف؟
LOOL
و أنا أسير وياها .. قلت لها يالله
Read
قالت أنتي بعدك
Single
قلت أدري مب لابسة الدبلة قالت لا يبين !
قلت زين و بعد؟
و اللي بتاخذينه لازم يكون بناء على أختيارك
و لا أنتي ما ودك بأي ريل
LOOL
و حبة الخال اللي على شفايفك تشهد
قلت خيبة و بعد؟
قالت و عمرك 22
هي من قالت 22 حسيت قلبي طاح في كبدي مب بطني بس !
: (
بسرعة دفعت و طلعت
خفت لا تقول أدينين حق أبوك
خمسين ألف
LOOL
واااااااااااي كل ما أذكر ويهة أتروع
!
حاطة حلق على شفتها من داخل و على ضروسها فصوص
عاد تخيلوا فلبن
و صابغة شعرها أشقر
و حاطة روج أحمر مآساة صح؟
LOL
على طاري الزواج
حبيبة قلبي عهود
صديقة الجامعة
تعرفت عليها و أنا عمري 17 سنة
يوم تخرجت من الثانوية و دخلت الجامعة
كانت في بداية الايام تشوفني بنظرات و تبتسم
صدقوني اللي يشوف ويها يرتاح نفسيا
دومها مبتسمة
حتى لو ضايقة
قوية ضد الصدمات
دمها خفيف
طيبة لدرجة توقف وياك في كل ضايقة
و كله تقولي
Keep your smile !
من كلاس لكلاس الثاني شفنا عمارنا نسجل مع بعض
قوت علاقتنا و قمنا كل كورس نقدم على نفس المساقات
و نختارها ويا بعض
و نشارك وجباتنا
و يلساتنا
و سوالفنا
حتى بدون حدود رغم انها كانت يديدة في عالمي !
هي و شما
كنا الثلاثي المرح في كلية الاتصال
أي الاعلام
: )
حبيبتنا زفوها يوم الجمعة
16-11-2007
و البارحة طارت لشهر العسل
والله تستاهل كل خير
و من قلبي أدعيلها بالخير
: )
شفت بنات وايد
و عاشرت وايد
لكن والله محد لفت انتباهي
و قلت عنها كاملة غيرها
: )
كاملة و الكامل الله !
و أنا مقصرة في حقها وايد
بس هاي الدنيا لازم فيها نواقص
: (
بعيدا عن فقرة عهود
أحيانا محتاجين ان نجامل
نجامل على حساب عمارنا
بس لأن الظرف محتاج هالشيء
مع أني ما أحب أجامل شخص
سبب جرح لي أو ظلمني
مزاجية بطبعي
يمكن يوم أبتسم في ويوهم
و يوم أنقلب و أمتنع عن الحديث
لأني دائما أتذكر الماضي !
ما يشغل حيز من بالي؟
بس يخليني أعتبر قليلا
: )
و أتذكر اني لا أكثر من الطيبة
عسب ما تنقلب علية مرة و مرة و مرتين !
المثل المعروف
سوه خير و عقه بحر
و بنسوي و بنسوي
لكن متى غيرنا يعتبر؟
هذا مربط الفرس
الناس تحاسب نفسها عند كل ليلة؟
ليش ليلة؟
كل نهار حتى؟
بطبعي
COOL
وايد أتحدث عن الاخطاء بعلانية
لكن في داخلي مؤمنة
أني ما أسويها
بس بداعي الضحك
يمكن الايمان ماله خص في بداية فضفضتي
لكن شيء يدخل في شيء
الايمان في القلب مب في المظهر ما أقول “نفصخ الحياء”
بس أقول الايمان مقره القلب الليل الظلمة السكون
هناك يكمن الايمان
: )
و لا الواحد مب محتاج يبين ايمانه بمظهره
عسب يتريا ثناء من الناس
أو كلام يحثه على الاستمرارية في الايمان !
أنا أرضي نفسي و ربي
قبل لا أرضي الناس
و أخليهم يمدحون طاعتي
و في داخلي شيء صراع كبير
So
شو الاحسن؟
:::
تذكرت كلام “خ” في نهاية المعرض
و لين ألحين يرن في أذني
كنا يالسين نقسم البيان الاخباري
حق وسائل الاعلام
في المخزن
بالاحرى واقفة ف من التعب يلست على الارض
و هو على الكرسي كان
مب من طبعي
أتصنع شيء
اتيكيتي و انوثتي
كلها عفوية تكون
يلست على الارض و قلت يولي البرستيج
LOOL
قال دام ما همج البرستيج
ربع ريوله و يلس على الارض
يرتب الأوراق
رن هاتفي و اذا بها والدتي
LOOL
قالت وينك؟
قلت في المعرض ماما
قالت شو متى بتردين اليوم؟
قلت العصر تقريبا قالت زحمة؟
قلت هي بس أنا في المخزن ويا “خ” بما أنها تعرف عن “خ” لأن طلعت أمه تعرف الأهل
قلت “خ” و الشيطان ثالثنا
ضحكنا كلنا
قالي عقب صمت طويل
قال هاي العبارة اللي ترن في أذني من يومها
خلك مثل ما أنتي لا تتغيرين
رددها مرتين
قلت يعني؟
قال بما أني سني ضعف سنك
“خريط الا هو في الثلاثين”
P :
و لو كنت متزوج كنت أكبر بناتي
P :
ف صادفت وجوه ناعمة
قد ما تبين
و أنتي تعرفين كيف الشغل عندنا
متروس بنات من جنسيات .. أشكال و أنواع
لكن ما جد
شفت شخصية شرى شخصيتك
أنا لحد هاي العبارة ما كنت فاهمة قلت وضح؟
قال وايد شفتهن متحجبات
و بعد فترة طلعوا قصة
قال وايد شفتهن مكياج خفيف
مثلك
و بعدين مهرجات
من يكبرن في دوامهن
و تقوي مراكزهن و اسمهن يخدمهن
أخلاقهن بعد تتغير
حتى اللي بنت فلان الفلاني تتغير
و كان يشير لوحده أعرفها
قال أبسط مثال هاي
ما ودي أرمس عن بنات الناس بس طفح الكيل منها
عسب جي عفويتك و اسلوبك و يا الكل
و كل من يتعامل معاك يثني عليك
و حتى مظهرك الخارجي يخليني والله أحترمك
و أتمنى لك كل خير
و ان حرام تتغيرين شرى غيرك
و لو أنك ياهل لكن بعض أسراري عرفتيها
حتى أحيانا تعاشرين ناس سنين و ما تقدرين تبوحين عن شخصك لو حروف
و أحيانا تقابلين ناس بس أيام تلقين قلتي كل اللي في خاطرك
: )
عاد أنا هنا شوي بدمع
حدي حساسة ما أقهر كلام جي قوي على قلبي
LOOL
غيرت محور الحديث و قلت ياهل في عينك
أنا ما أتغير
: )
و تدخل وحدة علينا مغربية الاصل
فرنسية اللسان
و تغرد بالفرنسي .. أفهم عليها شوي تقول
Pretty Girl You Are Here !
أقولها للأسف مع الشيطان
نضحك
تقولي
I Swear
انك
Model
أقول “اخرط على اللي ما تعرفه”
أونة ويهج مع شوية مكياج و جي حلو
وين نحن طن على ويوهنا
أقولها جسمي ما يساعد أكون مودل
تقول لا بالعكس والله انك جميلة
و انا اغمزلها “عيب” يعني واحد ويانا
LOOL
بس في داخلي فرحة عامرة
: D
مب لأني
Model
لأنهم حلوين وياي
: )
! الاسم الثلاثي لاي انسان مب كافي انه يخلي الطرف الاخر يحترمك
أهم شيء التعامل
و صحيح دوم أمي تقول أخلاقك زفتة
” اليوم وايد رمست عن أمي أدري”
بس طبعي الخايس غلاب
و أحاول أكثر أكون
Simple
و ما أعصب !
عصبية أدري بس والله بسرعة أندم
: S
It’s not a Show off
بس لأن الايام هاي سعيدة بالناس
اللي حوالي
اللي قابلتهم لأول مرة و خذوا فكرة طيبة
:::
: D
الأحلى وجود ظلي بقربي دائما
” و أنا عيوني في عيونك تلتهي “
في عيونك تلتهي
:
:
:
حد يقدر يعيش بدون ظل؟
بدون سند؟
الله يخليهم لنا
نقطة على السطر حبيتك !
” اشرب قلاص الماي “
: )
نوفمبر 20, 2007 at 10:30 م
مساء الخير والاحساس والطيبه
حبيبة قلبي دبي لا يسعني الا اني اقول لج لي عوده من جديد
عشان ارد من قلبي عيبني البوست كثير كثير لوجود تنوع
بين المواضيع اللي طرحتيها
فنانه غاويه :)
نوفمبر 20, 2007 at 10:53 م
ربي يحفظج
ويحفظ لج الوالده
مرة ثانيه سوي اجزاء من الظهر لين فليل يالس اقطع فيهن عسب اقراه عراحتي موضووعج
نوفمبر 21, 2007 at 12:01 ص
يا مسا الراحة والريلاكس كله
:)
اي زين تسوين والله ,,خذيتي اجازة وريحتي نفسج شوي عقب هالتعب واللويه
واتمنى انكم تستمتعون بالشاليه
واي دبي ذكرتيني بنفسي…قبل الشاليه نشتري اغراض
قبل السفر
وبعد السفر
وبكل مناسبه لازم بنروح نشتري
مع انه الملابس بتطفح من عندنا بس مادري ليش نسوي جذي؟
:))
تدرين دبي؟
هاليومين مكتشفه طريقة لذيذه للاستمتاع بالحياة وهي من خلال تدليل نفسي
تذكرت هالطريقه وانا اشوف المنكييير
عجييييييييييب
وايد وايد حلو
دللي نفسك وروحي مساج وسبا وسوي اظافرج وشعرج وعطي نفسج اجازة مابين الحين والآخر تجددين فيها من نشاطج
:)
وزين تسوين بالفلبينيه….والله مرات ادخل محل ومن كثر مما الموسيقى عاليه احط حرتي بالملابس تلقين شكلي كأني اتهاوش معاهم واتتحرك بسرعه بسرعه
تنرفز الموسيقى الصاخبه
وينرفز اكثر عدم احترامهم لديرتنا والأذان فيها
!!
دبي…فضفضتج اليوم ممتعه لحد اكثر من ما تتصورينه
عفويتج غالبه على هالبوست
وافكارج معروضه بشكل جميل وممتع
كلام الأخ احس انه له أثر كبير بقلبج
اذا انا اللي مالي شغل تأأثرت فأكيد انتي راح يكون احساسج غير
غييييييييير
مادري …يمكن كونه شخص بعمر النضوج وشاف وجرب الحياه ويعطيج تعليقه ورايه من غير لا تطلبينه فهذا ممعناته انه كان صادق
الله يحفظج ويتمم عليج خفة دمج وروحج الحلوة
وحافظي على نفسج كثر ما تقدرين والله لا يغير عليج الا للأحسن
:)
الله يبارك لصاحبتج و يا دبله الخطوبه عبالنا كلنا
:Pp~
نوفمبر 21, 2007 at 8:16 ص
مساء العسل و بعد صباح العسل
يا ريحة العود يا بنت المملكة
بانتظار ردك عيل :)
++++++++++++
مستر بلاليط
LOOL
و يحفظك يا رب لأهلك
يالله عاد ..عمدا ملونة الاجزاء عسب راسكم ما يفتر
: )
أهم شيء طلتك يا ريال
نوفمبر 21, 2007 at 9:54 ص
Yalla inshallah you get married soon lol
نوفمبر 21, 2007 at 10:26 ص
استكانة العزيزة
صدقك الله ..و اي اليوم اللي نسوي فيه جرد
و نفرفر بالملابس
عاد انتي استغلي هالأيام بعد
من اداومين خلاص بتنسين شيء اسمه دلال
: )
عسب جي طيحي فيهم
كل شيء يبونه على هواهم
لو سكتنا بتنقلب الدنيا
زود ما هي مقلوبة
!
يا عيني عليك يا استكانة
فهمتي القصد و هي طايره
: )
يعل ربي يهنيك دوم قولي آمين
واي جرحتي القلب يوم قلتي عقبالنا
: D
و ردك أكيد محلي البوست يا حلوة : )
نوفمبر 21, 2007 at 10:27 ص
Hopeless Poet
: D :D :D >> See my mouth how it’s become when you “d3ait” !
o y3l Raby yhneeK Denya o a5raaaaaaa!
Kather ent baSs LOOL
نوفمبر 21, 2007 at 6:50 م
hehe lish mesta3yeela 3ala rezgeech ?? alaa kareem enshalla :P:P wa mabrook 7ag refeejteech wa a7la shay eb dubai el WEEKEND :D have fun :P
نوفمبر 22, 2007 at 2:16 ص
هلا دبي
بوست حلوو وفضفضه احلى
استمتعت وانا اقرى
ذكرتيني فيني بشغلتين
تقريص الخدود وجلسة الارض نفس الحاله لوووول
وانتظريني الويك اند جايتك الشاليه :P
نوفمبر 22, 2007 at 7:16 ص
loco
eeeeeeeeeeeeeeeeeee 3aD La 3anSst T3aal Goli Laish Mst3yla : P : p
allaH ybaarK Feek, 32baaLK Ya raB, Tetm56r eb Bsht il3rSs : D
La Hal Marah Ban6le3 Mn Dubai, Wain Fee Dubai Troom Edoor : S ent Shayf ilZa7ma?!
نوفمبر 22, 2007 at 7:17 ص
يا قلبي
ها عيل طلعتي من قوم خدود حلوة
: D
حياج حياج .. ما أمانع تشاركيني سريري وسط هاي الزحمة من الوحوش
LOOL
نوفمبر 23, 2007 at 7:42 م
اخييييرا انتهى البوسست
هههه امزح
عجبتني داينة لابوكي 50 الف
حقت السيارة؟؟
هعع
نوفمبر 23, 2007 at 11:46 م
أحم أحمم شوفيه موتر بوظبي
نوفمبر 24, 2007 at 2:26 ص
بوست حلو و متنوع وخليتنا نغير جو
يعطيك العافيه
نوفمبر 25, 2007 at 7:18 ص
ayaneeq
LOOL
نوفمبر 25, 2007 at 7:19 ص
راعي بوظبي
ما فيه شيء يا ريال
: D
مسبب حق البعض “أزمة” LOOL
نوفمبر 25, 2007 at 7:20 ص
مرورك الاحلى يا محمد : )
نوفمبر 25, 2007 at 11:40 م
دبي
شو هل موضووووع !!!!؟
يعني خابصة السوالف كلها ويا بعض!!؟ لووول
ماشالله وايد ترمسين دبي !!؟ باااال مب لساان عليج !؟ شو ضفدع ؟ لول
انا صراحة يا دوب قريت نص البوست وتعبت ما رمت اكمل لول
بالنسبة للمانيكير الي مسوتنه بظفووورج ناايس بس احينه نازل ستاايلاات يديه شو ما وصلت دبي ؟ لووول
الخااتم وااااااااااايد حلو اي ماركة ومن وين احصله؟ ابيييه ؟؟؟ لول
عالعمووم ومثل ماتقوولييين ,,,, ليي عودة لول
تحياتي
نوفمبر 26, 2007 at 7:30 ص
SalooM
أولا هاي مب ظفوري ..لو ظفوري شفت كاتبة اسمي
و ثاني لا تعور قلبي أزيد ..هذا مب خاتمي لوووول
ثالثا مالي بارض أتقارض وياك ..المووود طاقع اليوم
و أكيد لي عودة في بوستك
: )
نوفمبر 26, 2007 at 8:09 ص
خير انشالله دبي ليش المود طاقع !!؟ بس كلمة طااقع هاي انا اول مرة اسمعها !!؟ انا الي اعرفة هي كلمة نااقع بس طاااقع هاي يديدة ؟ مال ويين هاااي؟ لول
انا والله الخاتم عيبني وابيه جفت لول
على فكرة عيد ميلادي الشهر الياي فكل واحد يزهب هديته بليييز لول
متى عيد ميلادج دبي انتي وابوبكر عمر علي عثمان؟؟؟؟ لول
تحياتي
سالم طاااقع لول
نوفمبر 26, 2007 at 9:19 ص
سلوم
خخخخ..بس جي مودي زفت شوي من وايد أشياء
عيدميلاد سعيد..شوف أنا أول وحده أهنيك
أما عن الهدية بتوصلك على جسر المقطع يوم بتيب طلبيتي
LOOL
طاقع ما تعرف؟ وااااااااااااي مصطلح شبابي هذا
كيف أنا أعرف و أنت ما تعرف
LOOL
أنا 30-3
دربي خضر
: )
نوفمبر 26, 2007 at 9:49 ص
يعني انتي اي برج !؟
وبعدين اي مصطلح شبابي هذا طااقع ؟ شو خلصت الكلمات !!؟ شو قصدج اني شيييبة مثلا !!؟ لول اوه كشفوني
وبعدين شنو هل تاريخ 30-3 امشرفة الدنيا ااخر الشهر حضرتج!؟ اسمييه ابوج حقد عليج …الروااتب ما كانت ناازلة وامج امخسرتنه بترتييبات الولااادة لول …زين انتي على ايامج كان في بامبرز !!؟ انا ما كان في ههههههههههه
ممكن اعرف ليش مودج زفت !؟ شو شارع هو مزفت !!؟ شو رايج اتركبين سااالك ههههههههههههههههههههههه
فرفشي يا ماما بلا ارف عالصبح
تحياتي لول
نوفمبر 26, 2007 at 10:46 ص
برج الحمل يا عراب
: )
خخخخخخ
فديتني كانوا يشحنون لبس حقي من لندن و هولندا
شو دراك أنت..أنت على أيام الديناصورات كنت طالع
LOOL
آخر سطر موتني ضحك الصراحة
نوفمبر 26, 2007 at 2:28 م
مرحبااا دبي
دبــــــــــي
طفرت
انتي من اول ماحطيتي البوست وانا اكتب وينمسح
بسوي اضرااب وما بكتب
نوفمبر 26, 2007 at 2:30 م
طاع القهر!!!
من متى اكتب ومن اضغط على السبمت ينمسح هالمرة ما انسمح
نحاااسة
نوفمبر 26, 2007 at 3:25 م
ايام الديناصورات !!؟
ياماما انتي ما سمعتي المثل الي يقوول
old id goold !?
والذهب سعره مرتفع؟ جم الغراام؟ لول
وانا ذهب وغاالي لول
نحن مال ايام الاول !!؟ مب مال سيريلاك وبامبرز وكورن فليكس !؟ عاد انا من القهر كل فطوري احيين كورن فليكس !!؟ لووووول ابي اعوض
يعني افهم منج ان الوالده من هولندا !؟ ممممم اقول ليش دمج خفيف نفس القشطة الهوولندية لول
ولندن بعد !!؟ ممممم اقووول انا ليش دايما ملابسج وعطورج راقية متعودة من وانتي ياهل عل هاارودز !!؟ لول
قووووومي لاااااا !!؟ اونه لندن وهوولندا
طبعا هولندا هي سوق السطوة !!؟
ولندن سووق الرولة بالشارجة !؟
شو عباالج ماعرف لوووووووووول
زين انا محتاي 50000 ممكن الوالد يسلفني !!؟ لووووووول ابس اشتري بلاي ستيشن 3!!؟ لول
نوفمبر 26, 2007 at 3:26 م
LOOL
أدري أن البوست طلع لك قرون ..امسحيها في ويهي : )
ممكن اطولين بالك ..يا فجورة ..و تكتبين ردك
: D
نوفمبر 26, 2007 at 4:52 م
kekekekekkekekekek
allaH y5Ss ebleeSk ya Bo ‘3naiM !