العرس ويا الحريم غير
رديت من الدوام يوم الأحد .. أشوف أمي في الاستقبال
و ابتسامة عريضة .. بتين وياي عرس ولد فلانة؟
أنا في داخلي
NOOOOOOOOOOOO
لكن في الظاهر
ها؟
متى بتطلعين؟
جي عقب الصلاة العشاء
أنزين أوكي .. و أنا مولية مقفلة
يا كره الطلعات اللي بأيام الدوام
و خاصة اذا عرس و لا عزيمة و لا حفلة
المهم تزهبنا و مرينا على ربيعة أمي نشلها ويانا
من ركبت .. و هم شغالين كلام في فلانة و علانة
و شو سوت و شو ما سوت
يختمونها
شوفي بنطلع من ايبون العروس
ترد ربيعتها هي ما فينا الصراحة
من 3 أيام و نحن نوجبهم .. خلاص ما فينا نتم لين المعرس
و أنا
ZZzZzZzZzZ
في السيارة
وصلنا و اختارت أمي طاولة بعيدة عن السماعات
تضحك لي أمي
و تهمس ترى عرسهم حلو
شو حلوه ماما؟
طاعي الكوشة أنتي بس ..فوشي عاد فوشي و ورود حمر
لا صدق عرسهم حلو تقول ربيعتها
أرد عليها حلو لأن دقدقة ؟
و أقول في قلبي
“ما يدرون مبادئي تغيرت خلاص”
: P
القاعة فوشية في فوشية
ما حبيتها مول
و يا كثر اليهال
مخربين كل شيء
و زحمة ماشاء الله .. و لا كأن باجر دوامات
يلسنا
و شوي ين رباعة أمي .. باقي الشلة
شاركونا الطاولة
شوفي “م” حلاة العرس يوم يكونون متعاونين
أ.. هي نحن أعراسنا جي .. لو زعلانين نخدمهم
ع.. واااااااااي .. ميلسينا بعيد عن الناس ..ما نشوف حد
م.. كلي كلي و أنتي ساكته يلسنا هني عسب بعيد عن حشرة الفرقة
ش..شوفي “م” تبين تختارين حد لا تشوفينه في العرس ..شوفيه في البيت على طبيعته
م..هي رمستج لين ألحين في مخي
ش.. اطالعوا اطالعوا أم المعرس
م..هاهاهاها ..محلوة
أنا: أدز بويهي في حديثهم ..فيها شبه من نانسي عجرم
جد أرمس محلوة ماشاء الله ربيعتكم
تبدأ الفرقة عزفها على الساعة العاشرة و النصف
“أول مرة أسير عرس و يبدون جي متأخر”
اطل العروس اللي تلق من راسها لين راسها بفصوص و كريستال
الساعة الحادية عشر
يا ربي متى المواطنات بيودرن الفصوص
“ش” أخر زمن..قبل شوي يرقصون بالمناديل و أحين لحن كلاسيكي
شو ها بعد
أنا: في داخلي .. عدال مادري في عرس عيالج شو سويتي
LOOL
أكلي لقمتين على الساعة الحادية عشر و نصف
على الساعة الثانية عشر .. نطلع من القاعة
برغبة مستميتة مني
لأن باجر دوام
و لا يلستهم حارة .. و الدق حار .. و الرقص لا كلام
بس و الله مخي مب على الدق
و لا على الرقص
أفكر متى أرد البيت و أرقد
: D
تقولي أمي حلو فستان العروس؟
شو حلوه ماما ..فصوص و كريستال و فولك ..وايد وايد تلق مب شيء
و أنا أعرف أمي يا حبها حق هالنوعية من القطع
LOOL
هي صح صح ..وايد
أنزين باقتها حلوة .. صح ؟
هي هي حلوة
شهقت أمي شهقة
قلت أدري وايد قطعتهم بس مب مني من التسطيل
: P
+
+
+
+
+
عمرتي على وشك تخترب
الله يسلمكم يايبين لنا متدرب
و هالمتدرب من الجامعة
و لسوء حظي طلع واحد ما ينبلع
ما ينبلع لعدة أسباب
1) واحد كانوا بالشيني فيه .. و لكن حامض على بوزه
2) ولد أمه
3) امرمط بنات الناس .. يودر هاي و يرد على ثانية ..يودر الثانية و يرد على الاولى
4) ذكي وايد – العكس طبعا
5) فيه هفة
6) خقاق
7) اتيكيت ما يدل دربه
8) لزقة
9) و هذا البوينت الألعن – عيونه زايغة
وايد بعد ..لو أسطر ما أخلص
جد ما أتمصخر عليه .. بس هذا الصدق
وحاولت ما أكبر الموضوع لكن هو من الاساس يحتاج الى مجلد
كل ما أقول في خاطري
بس يا بنت الحلال تحملي .. سكتي .. لا تعطينه الاهمية
عيب
و لو ولد ناس ..عيب يعرف أهلج
لكن طفح الكيل .. و غلاة اللي أغليهم .. طفح الكيل
كل ما بحلق .. و لا سوه شيء يقهرني فيه
أفكر في عمرتي .. لا لا لا بليز ما أبى أسبه
+
+
+
+
+
قسم يديد
من أربع شهور كانت في مشكلة في الدوام
و من شهر قدمت استقالتي بس قوبلت بالرفض
و الحل تحويل قسم آخر
القصة طويلة
و المشكلة عويصة
و الانتصار عظيم
LOOL
ان شاء الله في بوست ثاني بتوسع في الموضوع
لكن أبشركم الاسبوع الياي
يوم الاحد بالتحديد
بدوام في قسم يديد
: )
سعيدة مب بالشغل
لا
سعيدة لأني كسرت حد
و سويت اللي أباه و طلعت
و خليتهم يعانون
بدون
Briefing
Or
Handover notes
!!
نتعلم منهم النذالة
+
+
+
+
+
FULL STOP
عصر السيد نصر الله
هنيئا للبنان هذا الانتصار الجديد
هنيئا للفكر السامي
هنيئا للأرواح الزكية
هنيئا للنفوس الطيبة
هنيئا للدماء الطاهرة
هنيئا لكل مؤمن يؤمن بأنه عصر نصر الله
الفرج قريب باذن الله
ان كانت الدنيا فيها صوت و حكمة
نصر الله
جويلية 18, 2008 at 12:41 م
صارلي هالموقف مرة قبل جم سنة رحت عرس و كان باجر دوام و ما طلعنا الا الساعة 3 يمكن و على ما نمت ،امبيه دوامي كان 7 الصبح و راسي كان مفتر من ازعاج الطقطقة و رحت الدوام و كنت مسطولة عالآخر لكن لأن ما احب الغياب فقاومت و دست على نفسي لكن اللي معاي بالدوام قالوا لي ماعندج سالفة جان غبتي من صجج مداومة؟ منوا يداوم عقب عرس !
و عالبركة ان شالله انتقالج للقسم اليديد و الله يوفقج ان شالله و ترتاحين فيه
اما نصرالله فإسم على مسمى ^_^
جويلية 18, 2008 at 12:58 م
اشعر ان مع قدوم الصيف
الروح اللي عرفت فيها مدونتج بالبداية
بادية ترجع
بالسرد البسيط و المفصل , بخفة الدم و المباديء اللي يتضمنها كل بوست
و الانتصار اعظم .. هذا اهم شي
ناطرين التفاصيل
و شكرا :)
جويلية 19, 2008 at 12:24 ص
ههههههههههههههههههههههه
شكلها شكلها بتخترب العمرة
اكره اروح الاعراس واليمعات والسبب واحد
حش و قرقرة زيادة على قولتهم
ومالها داعي
فلانة سوت و علانة ما يابت وعلى هالشلة وآآآخر شي استغفر الله ما نبا ياخذون اجرنا
جيه خذوا وخلااااااااااااص ما تم شي من الاجر
لووووووول
……………………..
مبروووووك انتقالج للقسم اليديد
واااااايد مستانسة لانج كسرتي راس حد
اموت و اكسر راس الي يتحداني والا يحط راسه من راسه انا اشجعج الله يكفيج شر الي حولج
دمت بود
جويلية 19, 2008 at 2:33 ص
حديث نسائي
لاحدا يقول اني مريت من هين
جويلية 19, 2008 at 7:12 م
:)
ضحكتيني
—————
اماالسيد
فالله يطول بعمرة
والحمد لله والشكر على النصر وان شاء الله دوم منتصرين
جويلية 20, 2008 at 1:39 ص
اوووه الوالده ورباعتها يوم يجتمعون .. قرووب المرح يصيرون لول
والسيد حسن .. فخر العرب في الوقت الحالي بلا منازع
شكراً على المشاركةالطيبة والله يحفظج
جويلية 20, 2008 at 7:20 م
هو باقي شئ من العمره؟
انتي يبيلك حجه ثانيه هههههه
وأزين مافي الحريم .. كل ما حشو بوحده وخلصو قالو خلونا منها مايجوز نحش ونغتاب .. ومايصبرون 5 دقايق الا ويبدون بالثانيه
وخويكم اللي بالشغل .. هذي يسمونه متخرع .. لأنه توه مشتغل مع بنات .. وما عرف الاتيكيت زي راعيين المعرض خخخخخ
وبالنسبه لنصر الله .. خير وش صاير؟ فيه شئ جديد؟
جويلية 20, 2008 at 8:06 م
بو شهاب
: D
بخبرها ترى؟
LOOL
جويلية 20, 2008 at 8:23 م
ابراهيم القحطاني
خخخخ
ترى ناوين على الحج هاي السنة
مال سنة كاملة بنعوضها
عني و عن أمي و عن الاهل كلهم
ضحكتني والله..
صدقك ..نفس أشكال اللي حطها محمد بن سالم
زقرتية قوم نظارة حمراء و صفراء
من كثر ما شافوا بنات
عادي اللي تمر كأن هواء مر
مب اللي عندي يا الله
ابتلاء ابتلاء
لو مب في دبي نحن قلت عايشين في أفغانستان
خخخخخ
شوف ابراهيم أنا اللي اعرف انك صيفت في الشرقية
لو مصيف في موزمبيق كان غبت صدق عن العالم
كل الاسرى و الشهداء اللبنانيين و بعض العرب
ردوا للبنان
ف ألحين ماشيء اسير و لا جثة شهيد عند العدو
لبناني أعني
و على راسهم تم فك قيد سمير القنطار
اللي كان العدو رافض فكرة انه يطلع و يرد لبلاده
شرفتنا
!!
جويلية 20, 2008 at 8:25 م
ورق مخطط
صديقتي
تدرين النفسية تلعب دور مهم
: )
أهم شيء ان البوست كان حلو
و نال على رضاج
يا استاذه
لك وحشة
!!
جويلية 20, 2008 at 8:48 م
منال
وي اسمحيلي حبيبتي
الكبر شين
مادري كيف نسيت ارد عليج
لو اتم لين الساعة 3 ..اشكرا بسوي طاف للدوام
لان دوام
جويلية 20, 2008 at 8:51 م
لان دوامي الساعة 7 بعد
ماشاء الله عليج
و على طموحج..و الله يكثر من أمثالج
:D
!!
جويلية 20, 2008 at 8:52 م
الحلم الوردي
شعور حلو لاه؟
جي تردين الصاع صاعين
اتق شر الحليم اذا غضب
مشكورة يا بطة
!!
جويلية 20, 2008 at 8:52 م
مر مر يا جدادوي
المكان مكانك
و الدار دارك
!!
جويلية 20, 2008 at 8:53 م
يا رب يا منال
: )
عساج دوم مبتسمة
!!
جويلية 21, 2008 at 2:39 م
لالالالا هذا الخبر عرفته ..
لأن الشرقيه فيها ارسال ههههههه
والله يصبر أهلي الشهداء
جويلية 21, 2008 at 2:57 م
الحمد لله على نصره
والسيد دائما صادق بوعده
والله يفرج عن بقية الاسرى الفلسطينيين وغيرهم
جويلية 21, 2008 at 3:46 م
هههههههههه ضحكتيني على سالفة الكبر شين
انتي وين و الكبر وين
حدج عنونة :)
و تصدقين عاد اني المفروض ما ارهقت نفسي عشان دوامي،بعد فترة اكتشفت انه مكان ما يستحق انسانة مجتهدة مثلي
فقدمت استقالتي و ما عمري تحسفت على قراري
مع الأسف المجتهد في مجتمعنا ماله حظ
جويلية 21, 2008 at 4:24 م
ابراهيم
عيل خلاص كلنا بنسير الشرقية
: D
———-
صلاح
و هو كذلك
الله يحفظه
شكرا على التواجد أخي
جويلية 21, 2008 at 4:26 م
منال
خخخخخ
يا اختي وصلت 23
خلاص كبرنا
: P
نفس الحال والله
كرفت كرفت كرفت
و آخر شيء غيرت القسم
و لو بيدي ما أشتغل اصلا
!!