عشنا و شفنا
يعني ما أبى أتهجم عليه .. بس زودها حبتين
كنت بقول مصخها .. لكن مابى صوت ثاني يطلع يقول يا كافرة
و هذا عالم و شيخ دين
بس الصراحة زادها 3 حبات بعد
: )
كل ما فريت الكنترول على برنامجه
لازم يهاجم واحد و لا وحدة
و يزاعج عليهم
خو الدين نصيحة .. شغلتك تنصح و تنبه الناس
و تحل مشاكلهم
بطريقة لائقة و قبلها تحترم مستمعينك و مشاهديك
اذا عالم الدين
فلفل
يعني حار و ما يتحمل الناس
من بيتحمل؟
وحده سألته سؤال
كلاها كلاها
أنا لو بدال هاي الحرمة كان رديت عليه
شو هالأسلوب؟
يا أخي أنت بتسمع عقليات مختلفة
ناس أشكال و أنواع
اذا تكرر سؤال .. و لا حد استفسر عن شيء
و تشوفه سخيف
خو أنت ندريبك عندك عقل .. اشرحلهم .. بسطها
خل الطرف الثاني يوصل لغايته
شو الفايدة يوم تباغم عليهم؟و أخر شيء تضحك ؟
بعدين أفر من قناة لقناة ثانية مع علماء دين ثانيين
يلستهم جدام الكاميرا جدا محترمة
لمكانتهم لعقليتهم لاسمهم
شوفوه كيف يجابل الكاميرا
أنا الصراحة أول مرة أشوف مطوع جي
الله يعين اللي يتصل بس
ماما سارة
أحب أهدي باقة ورد بيضاء
من أرقى محل في دبي
للأخت سارة في الكويت
و أقولها في البطاقة
ماما سارة مبروك المولودة الاولى
و تتربى في عزكم ان شاء الله
و يحفظها من كل مكروه
الشاعر براك
باقة ثانية للكويت من أرقى محل في دبي
بس هالمرة وردية
للأخ الشاعر براك
و عليها بطاقة أقول فيها
مبروك على ديوانك الاول
و ان شاء الله يوصلنا و نقراه
جد فرحنا لك .. و منها للأعلى
و من ابداع لأخر باذنه تعالى
ألو .. مكتب الشيخ سيف بن زايد
هو: ألو .. الاستاذة مروة؟
أنا: في داخلي بنطر من الضحك .. هلا نعم
هو: معاج فلان من مكتب الشيخ سيف بن زايد
أنا: حسيت حد جب علي ماي باااااااااااااااااااااااااااااااااااااااااااااااااااااااااارد
ها؟ ..كح كح .. يا مرحبا هلا
واااااي شو مسوية اللهم انتقدت هيئة الطرق
LOOL
هو: طال عمرج مطرشين على البريد رسالة لج .. بس لين ألحين ما رديتي علينا
أنا: صدق أني عنز و سبالة بعد
أخوي الا البارحة واصلني الظرف
و أنا غيرت قسمي من الترويج للاعلان
هو: أنزين؟
أنا: ف التقييم بيتحول عندهم .. أنا بوصل رسالتك القسم الاولي
و ان شاء الله خير
هو: أفا ليش .. عموما لازم نغير أرقامج و مسماج عندنا
عسب المرة الثانية ما نأذيج برسايلنا
أنا: أدور بكرسي المكتب و أتخيل عمري مديرة
و ناقص بس أقوله سلم على الشيخ و لا بليز خذ
موعد من السكرتير قبل لا ترمسيني
LOOL
لا عادي .. و أقوله اسم الشخص اللي لازم يتصل به
عسب موضوعه
هو: ما قصرتي أختي و فرصة سعيدة سمعنا صوتج
أنا: في داخلي .. كررها عسب أحس أني مهمة
تسلم مع السلامة
ما ايكم شعور أحيانا ان منجب عليكم ماي بارد؟
و لسانكم ينعقد
و الحرارة ترتفع
و تاكلون الحروف .. و شوي بتنقعون
أنا في قسمي الاولي 24 ساعة ماخذه شاااااور بارد
الا من مكتب الشيخ محمد الاعلامي
حق مسلسل صراع على الرمال
الا مكتب الشيخ حمدان بخصوص رعاية سباق الخيول
الا جورج قرداحي يبى شعار الشركة
الا معسكر الشيخ الفلاني
و المصيبة يوم نتلاقى
مرة كنت سايرة مؤتمر صحفي مال الخيول
النحس
ياني واحد ألحين أنا أعرف من هو
بس استعبط
قالي أحيدج يوم كنت جي
يأشر بايده .. يعني يوم كنت طفلة
ابتسمت
قال أنا و أبوج ربع ربع من 25 سنة
كان يلم كل الريايل
فلان علان فلان .. هاي بنت فلان
و أنا خاطري بخيزرانة محناية بعد
: D
واحد من بينهم طلع شيخ سعودي
هذا الله يسلمكم
حرج علي مرة
من قال اسمه تذكرت الموقف البايخ اللي استوى لي
ناويتله على شيء
بس اخخخخخخخخخخخخ
مطرش لنا طلب و رفضناه
ف بدزله الاعتذار
اتصل و محرج .. امسحي اسم الشخص اللي من مكتبه
و اكتبي الشيخ فلان
سويت له
كان يتصل مرة ثانية
وليييييييييييييييه .. امسحي كلمة شيخ و اكتبي ملك
كان أقوله الطيب .. جي و لا جي هذا اعتذار
ما تفرق من شيخ من ملك
: @
كان يصك التيلفون بويهي
: $
هو مب شيخ شيخ .. بس شيخ
LOOL
!!
اشبك يا شيخ اشبك ..؟
الكاميرا الخفية
كنا في رمضان
LOOL
المكان الوحيد اللي لا اتصلوا فيني
عاااااااااااااااااااااااااااادي
الجو بديع
شرطة دبي
و السبب؟
أقول؟ .. لا ما بقول .. ما فيني بعد أنسجن
بس قوية مكتب الشيخ سيف
خاطري بس أقابل هالريال
بقوله وللللللي يخليك
الشيخ عبدالله
داشه الاعلام عسبك بس
رد لمنصب وزير الاعلام
وحطني سكرتيرتك
و اذا مستواي أعلى من جي .. مستشارتك
راضية .. مادين ريولنا على قد لحافنا ترى
: P
على طاري المؤسسات و الشركات
نظرا لرغبة المصدر في التكتم عن الامارة
اللي برمس عنها
خو .. أنتوا مفضوحين بعد ليش التكتم؟
LOOL
مؤسسة حكومية في امارة من اماراتنا الحبيبة
تدرون شو يسألون اللي يقدمون على الوظايف؟
عدوا من 1 لين 20 بالانجليزي؟
و لا
لو أنت كنت طالع من البيت الساعة 5 و واصل الدوام الساعة 11
كم ساعة في الطريق؟
المصيبة يوم الرد يكون ما اعرف
و لا غلط
المصدر يقول الغلط من العقليات اللي تقدم عندنا
أنا أشوف مب منهم
أنا أشوف من سياسة الشركة أو المؤسسة اللي تطرح
شرى هاي الأسئلة
اذا الوظيفة اللي عندك خ نقول فراش
تسأله عد من 2 لين 4؟؟
لا
توقع ورقة قبوله بدون مقابلة
: )
العقليات البسيطة .. و الوظائف البسيطة
ليش نعقدها؟
و ليش من الاساس نطرح عليهم أسئلة؟
لا تلومني .. أقارن مقابلاتنا و مقابلاتكم
أيود راااااااااااااااااسي
الله وكيلكم حق القسم اليديد
قابلت المدير العود على القسم
عقب المدير اللي تحته
عقب المديرة اللي أيي تحتها
و اللي على درجتي
يعني 4 .. من غير قسم التوظيف
عبااااااااااااااالة
و أسئلة
و تحقيق
و أخس سؤال .. ما أواطنه موليه
عقب خمس سنوات شو تشوفين عمرج؟؟
رقاصة .. هي رقاصة
يا ربي
: )
Galaxy Icecream
البارحة توحمت على ايس كريم
زقرت البشكارة .. رويتــــــــــــــــــا تعالي
سيري الجمعية و اشتريلي أيس كريم
قالت أي نوع ..قلت أي شيء بس كاكو يكون
المهم سارت و يابتلي
مال جالاكسي بو خمس دراهم و 25 فلس
بس شو لذيييييييييييييييذ
مكتوب عليه
New
Yumi Yunmi
من داخل مب فانيلا بس
جي رسوم و شخابيط بالكاكو
يا ربي كذا مرة يجنن
و عاد تخيلوا أنتوا مضايجين كنتوا
و قلبكم “متروســــــــــــــــــــــه”
LOOL
و تاكلون أيس كريم
جي مثل شااااااااااااااور بارد على القلب
مودي انقلب .. حسيت الدنيا سكر و قشطة و مهلبية و أم علي
سلامة عيونكم و قلوبكم
طولت؟
جويلية 24, 2008 at 12:45 ص
تعبت وأنا أقرا هالبوست !!
بس من جد حلووو .. تسلمين
تذكرت موقف ..مرة رحت اقدم على تعليم كبيرات !! ودخلت للمقابلة .. راحت تسألني انت قسم ابش؟
قلت رياضيات ..
قالت 9×9 كم ؟؟
شو بتمتحني في جدول الضرب !!
بعض الناس اسئلتهم غبيه جداً
جويلية 24, 2008 at 2:57 ص
حقيقة هالتدوينة طويلة مالحقت اقراها كلها
ان شاء الله بكرة اكملها
جويلية 24, 2008 at 3:04 ص
بس بعرف اسم الشيخ وعلى اي قناة؟
جويلية 24, 2008 at 10:29 ص
حيا الله الشيخة دبي
لا لا من يوم ما عرفتج وانا كنت شاكة فيج بس الحين تاكدة انج بنت الشيخ الفلاني والله بيني وبينج مطلعين عليج اشاعة انج بنت ملك ماادري امير ^_*
حسبي الله على عدوج ما خليتي حد ما حشيتي فيه
بس الموضوع كله على بعضه حلو ما حسيت بطوله لووول
………
الله يهديه هالشيخ “الكبيسي”مااقدر اسمع له فتوى او اتابع له برنامج لان بالفعل مثل ما قلتي ما عنده اسلوب مقنع ولا حتى اسلوب للحوار مع المتصلين وهذا مب تقليل من شان عالم دين بس بالفعل هذا الواقع، و ياليته هو بس في مشايخ دين ماخذين الدين صراخ و ما عندهم طولة بال..
ياينج رمضان ان شاء الله و بعدج بتشوفين زود…
………
على طاري الشاور و الماي البارد
اييييييييييه يا دبي يا ما تسبحنا بهالماي البارد خليها مستورة لوووووول
على طاري الباجلا شو صار في صورتها نتريا بوست كامل عنها *_^
دمت بود
جويلية 24, 2008 at 11:22 م
شموخ
كانت هناك أغنية للجسمي مادري راشد الفارس
عن الشموخ ..استغفر الله أيام الجاهلية كنت أسمعها
المهم نورتينا و شرفتينا
و التعب لعدوينج
ترى هالأسئلة لازم يعيدون النظر فيها
و لا شو رأيج عزيزتي؟
حياج الله
!!
جويلية 24, 2008 at 11:23 م
الأخ العزيز جدودي
رواية هي رواية؟
خخخخخ
أهم شيء فاهم على رمستي صح؟
جويلية 24, 2008 at 11:24 م
استاذ صلاح
أسمه أحمد الكبيسي
القناة سما دبي
: )
عراقي
!!
جويلية 24, 2008 at 11:27 م
الحلم الوردي
شو الأخ سالم عاداج؟
خخخخخ
يلس يذكر كل البوستات الماضية
خخخخخخ
تصدقين يا بنت الأيواد ..مستوية قريبة من فكري؟
نتوافق في وايد أشياء
عاد أقولج رمضان يمصخونها بعد
طبعا مب الكل
بس الأغلب جي و متناقضين بعد
: )
المهم الغالية وجودج يسعدني
لا بنت شيخ و لا ملك
أنا الفقيرة لله
!!
: D
جويلية 26, 2008 at 2:03 ص
أنا لو اتصلوا فيني يمكن يغمى علي ..
أكيد تعرفين السبب..
بالنسبة للشيخ الكبيسي رغم غزارة علمه هذا الشي الوحيد اللي يضايقني فيه بس لازم ما ننسى إنه الإنسان ما يخلى من العيوب..
:)
جويلية 26, 2008 at 6:19 م
لا ما أعرف يا فتاة؟
قولي
: D
عزيزتي هذه الفئة لابد أن تكون شبه كاملة
و لا ما يحتاي يطلعون في التلفزيون
و ينصحون العالم
!!
نورتينا
جويلية 26, 2008 at 8:45 م
لا خلينا بعيد عن الحكومة
:D
جويلية 27, 2008 at 7:49 ص
دبي انتي كنت مروجه قبل؟
هههههههههه
وأنا أحسبك بنت عاقله
طلعتي مروجه مره وحده
———————–
هذا اول سؤال جاء في بالي يوم قريت
” أخوي الا البارحة واصلني الظرف
و أنا غيرت قسمي من الترويج للاعلان “
جويلية 27, 2008 at 7:51 ص
وبالنسبه للشيخ الكريم
نعم شفت له كم حلقه … وكان اذا المتصل ما عجبه ولا ما عجبه فكره .. يهجم عليه هجوم قوي جداً وغير مبرر … الرجال متصل يبيك تدله على الطريق تقوم تهجم عليه ؟؟
جويلية 27, 2008 at 10:22 ص
فتاة الأمل
ok ok
: D
!!
جويلية 27, 2008 at 10:24 ص
ابراهيم
مشعوذة الا
LOOL
مروجة .. تميت أفكر شو معناته
قلت أنا مب حاطة روج في البوست شو السالفة؟
بعدين فهمتها
خخخخ
مسماي كان
Promotions Event Controller
صار
Advertising Controller
شفت يعني أنا ما أتبلى عليه
و لازم حد يخبره
ان اسلوبه مب راقي
بتاتا
: )
جويلية 31, 2008 at 5:57 م
ماما سارة
أحب أهدي باقة ورد بيضاء
من أرقى محل في دبي
للأخت سارة في الكويت
و أقولها في البطاقة
ماما سارة مبروك المولودة الاولى
و تتربى في عزكم ان شاء الله
و يحفظها من كل مكروه
mashkoooora ya dubai 7beebty walla oo 3asa ybarek feech wel faal lich ESNAHALAAA :> o y7af’6ech o y5aleeech :>
أوت 4, 2008 at 5:39 ص
swalefj 7lewaaaah
keep talking like that, it’s entertaining :D
أوت 4, 2008 at 7:55 ص
Splendid
: )
ان شاء الله
فالج طيب
منورة
!!
أوت 4, 2008 at 7:56 ص
سارة
TsLMeeN iL ‘3aLYa
: )
Hala Hala beL Banoota
!!